enpt-pttt
August 1, 2021 3:53 AM

KM APROVA SUPLEMENTU REMUNERATÓRIU BA FUNSIONARIU ESENSIAL SIRA NE’EBE DURANTE NE’E SERVISU BA PREVENSAUN KONTROLU COVID-19

image_pdfimage_print
1DILI, 02 juñu 2021 (SRP) – Vise-Ministru Interior (VMI), Antonio Armindo, partisipa reuniaun Konsellu Ministru ne’ebe prezidi hosi Primeiru-Ministru (PM) Taur Matan Ruak, hamutuk ho membru Governu Konstitusionál daualuk (VIII) iha Auditoriu Xanana Gusmão, Ministeriu Finansas, Aitarak-Laran. Liu husi Komunikadu Imprensa ne’ebe asesu, Konsellu Ministrus aprova ona projetu Dekretu-Lei ba kriasaun suplementu remuneratóriu ida ba traballadór sira administrasaun públika nian ne’ebé fó sira-nia atividade profisionál iha servisu sira prevensaun ka kontrolu COVID-19 nian ka iha kondisaun direta espozisaun ba virus SARS-Cov-2, ne’ebé aprezenta husi Ministru Finansas, Rui Augusto Gomes. Valór ba suplementu remuneratóriu ne’e sei estabelese liuhusi Rezolusaun Governu nian no bele muda tuir grau risku nian ne’ebé traballadór sira ne’e hasoru. Projetu Dekretu-Lei ida ne’e sei prodúz efeitu sira hahú iha loron 1 fulan-abríl tinan 2021. Aprova ona husi Konsellu Ministrus, autorizasaun ba selebrasaun akordu ida, husi Ministru Finansas, entre Governu Timor-Leste no Governu Austrália, relativu ho kontribuisaun finanseira direta ida hodi apoia rezilénsia komunitária no rekuperasaun ekonómika iha Timor-Leste durante pandemia globál COVID-19. Governu Austrália sei realiza kontribuisaun finanseira direta ida ho valór dolar austrálianu millaun 20 (besik dolar amerikanu millaun 15,5) hodi fó apoia ba komunidade sira no hadi’a ninia infraestrutura sira liuhusi Programa Nasionál Dezenvolvimentu Suku (PNDS), no mós orsamenta no implementa projetu Bolsa Mãe Jerasaun Foun. Konsellu Ministrus atribui podér tomak ba Ministru Asuntus Parlamentares no Komunikasaun Sosiál, Francisco Martins da Costa Pereira Jerónimo, ba negosiasaun akordu ho Governu Repúblika Populár Xina ba Faze Daruak Projetu Demonstrasaun Transmisaun Televizaun Dijitál (Digital Television Terrestrial Multimedia Broadcasting, DTMB) iha Timor-Leste. Projetu ne’e hahú ona iha inísiu tinan 2019 no agora hakarak haluan projetu no aumenta kobertura nasionál televizaun dijitál terrestre ho instalasaun liután estasaun emisór. Ikusliu, Ministru Asuntus Ekonómikus, Joaquim Amaral aprezenta opsaun polítiku-lejizlativa sira ne’ebé sai hanesan baze ba projetu kona-ba Reforma Lisensiamentu Atividade Ekonómika. Konjuntu proposta ne’ebé aprezenta hakarak atu rezolve lakuna no problema sira ne’ebé eziste iha lisensiamentu atividade ekonómika nian sira ho objetivu hodi hadi’a ambiente negósiu nian, liuliu ba dezenvolvimentu ekonómiku nasionál. #

Comments are closed.