enpt-pttt
September 20, 2021 8:56 AM

ASESOR JURIDIKU SEPS HALO SOSIALIZASAUN LEI PROTESAUN SIVIL DIRESAUN KARGU NO XEFIA SIRA

image_pdfimage_print
2Dili, 8 juñu 2021 (SRP) – Iha loron tersa feira ne’e, asesor juridiku sira husi Gabinete Sekretaria Estadu Protesaun Sivil, halo sosializasaun kona-ba lei Protesaun Sivil ba lei Nu. 12/2020, 2 dezembru, ba Diretores Jerais, Diretor Nasionais, Xefi Departamentu, ne’ebe halao iha salaun enkontru Ministeriu Interior Vila-Verde. “Atividade ida ohin ne’e, ita nia ekipa juridiku husi Protesaun Sivil mai halo sosoializasaun lei Protesaun Sivil ne’ebe Prezidente Republika promulga ona iha fulan dezembru no tama iha vigor iha janeiru 2021, ba diresaun kargu no xefia sira no ohin ita komesa sosializa ba diresaun kargu no xefia sira iha Ministériu Interior. Tamba ne’e maka ohin ekipa asesoria husi Protesaun Sivil ninian mai halo sosializasaun hodi bele esplika ba iha ita nia diresaun kagru xefia sira atu bele komprende konteudu lei ne’e rasik no-mos nia implementasaun”, dehan SEPS ba jornalista sira iha Vila-Verde. Joaquim hateten, tuir lolos sira halo ona sosializasaun ne’e iha inisiu tinan 2021, maibe tamba ho pandemia Covid-19 liga ba Estadu Emerjensia maka sosializasaun ne’e atraza. “Lei protesaun sivíl ne’e restrinje ema-nia direitu ho objetivu atu proteje ema-nia vida, bens no patrimoniál kuandu akontese kalamidade públika tamba ne’e maka ita sei halo mos sosilizasaun lei ne’e ba iha embaixadores ne’ebe akreditadu ita Timor-Leste, ajensia sira no-mós ita nia parseiru sira ne’ebé durante ne’e servisu hamutuk ho ami”, tenik Governante ne’e.
Jornalsta : Eliza
Editor Fatinha

Comments are closed.