enpt-pttt
September 20, 2021 7:55 AM

VMI HO KOMITIVA OBSERVA FATIN BA FUTURU KONSTRUSAUN POSTU SEGURANSA UPM

image_pdfimage_print
1Dili, 14 setembru 2021 (SRP)-Vise-Ministru Interior, Antonio Armindo, hamutuk ho parseria permanente PNTL Programa Dezenvolvimentu Polísia Timor-Leste (TLPDP, sigla inglés), akompaña mos husi Komandante Jerál PNTL, Komisáriu Polísia Faustinho da Costa, Komandante Operasaun PNTL, Superintendente Xefi, Pedro Belo, Komandante Unidade Polísia Marítima, Superintendente Basilio de Jesus, Segundu Komandante Unidade Polísia Espesiál, Superintendente Damião Correia, hala’o vizita direitamente iha fatin futuru konstrusaun Postu seguransa UPM Vatuboro Suku Bubuleo, Aldeia Dair, Postu Administrativu Maubara, Munisípiu Liquiça, no-mós postu rua seluk iha Suku Aidaba Leten iha Postu Administrativu Atabae no Aldeia Migir Postu Administrativu Balibo, Munisípiu Bobonaro. Vise-Ministru Interior, Antonio Armindo, hateten prioridade atu harií Postu UPM hotu-hotu ho Modelu ida de’it, kompletu ho fasilidade, asesu ba dalan no eletrisidade hodi ajuda servisu UPM kontrola tranzasaun ilegál tama mai Timor-Leste . Iha parte seluk Komandante Jerál PNTL, Komisáriu Faustinho da Costa, hateten konstrusaun Postu Unidade Polísia Marítima hodi kontrola tranzaksaun ilegál ró husi Indonézia mai Timor-Leste, tamba durante ne’e iha de’it postu temporariu ba Unidade Polísia Marítima hodi hala’o seguransa . Prosesu konstrusaun ba postu Unidade Polísia Marítima ne’e hetan apoiu orsamentu husi Polísia Federál Australia, liuhusi programa dezenvolvimentu Polísia Timor-Leste, bazeia ba kooperasaun bilaterál entre Govoernu Australia no Governu Timor-Leste liuhusi Vise Ministru Interior Antonio Armindo. Antes termina Vizita iha Postu Unidade Marítima, delegasaun Vise Ministru Interior kontinua hala’o observasaun ba iha Batugede hodi haree direitamente kondisaun Postu Polísia tránzitu ne’ebé ladi’ak no sei hala’o konstruksaun iha tempu badak. #Ekipa-Media.

Leave a Comment

fifteen + 9 =