Iha loron tersa feira, 4 Maio 2015 Diretora Jeral servisu korporativos Sra. Guilhermina F.S. Ribeiro hamutuk Inspetor Geral Funsaun Publika Sr. Alfredo Orleans fo tomada depose no assina termo aseitasaun ba funsionario Ministério Interior (MI) husi dirasaun DNPC, DNPCC no DNSPP hamutuk ema 80 sira hotu mai husi Munisipiu Lautem no Munisipiu Vique-que ne’ebe mak halao iha salaun Administrador Munisipiu Baucau no akompanyamos husi sekretario munisipiu baucau Sr. Fransisco X. da S. Guterres.
Iha programa assina termo aseitasaun ne’e halao ba funsionario sira ne’be mak balun sae nivel ka grau tamba hare ba sira nia dedikasaun servisu ne’ebe mak kleur ona iha ministério Interior liu-liu iha DNSPP, entaun sira iha direitu atu tuir konkursu hodi bele aumentatan sira nia nivel uluk sira iha nivel 2 ka grau F agora sira sae tan ba nivel 3 ka grau E, ida ne’e mak ministériu ne’e halo hodi hadia funsionario sira nia nivel. Laos mak ne’e deit maibe iha mos funsionario balun ne’ebe mak liu konkursu publik.
Iha okaziaun ne’e Inspectur Jeral Funsaun Publika husu atu funsionario sira ne’ebe mak saetan nivel katak sira nia responsalbe servisu mos aumentatan tamba ne’e halao servisu ho responsabilidade, hatudu komportamentu diak iha servisu fatin no respeitu mos hirarkia sira ida ne’e mak tenik inspetor jeral funsaun publika.
Secretario Munisipiu Baucau Sr. Francisco X. da S. Guterres mos hateten katak; sai ona funsionario publik hatudu katak ita tama ona iha sistema ida nia laran, se wainhira ita tama ona iha sistema ida nia laran maka sistema ne’e mak sei regula funsionario sira, atu dehan deit katak funsionario sira laos atu halo tuir deit sira nia hakarak maibe tenki tuir regras ne’ebe regula ona iha lei funsaun pulika.
Ikus liu hanesan diretora jeral servisu korporativos ministério Interior nian husu mos ba Funsaun publika atu alkansa lalais funsionario sira nia nivel tamba funsionario hirak ne’e servisu kleur ona iha Ministerio Interior balun hahu husi 2000 balun 2002 no agora sei nivel 1 no nivel 2. Diretrora Jeral Servisu Korporativos mos husu atu funsionario hotu ne’ebe mak liu ona iha konkursu publiku no konkursu internu ga aumentatan nivel atu tau Disiplina iha ida-ida nia servisu fatin.
