Vila-Verde, Ministru Interior, DR. Longuinhos Monteiro, simu vizita kortejia husi embaixador New Zealand nian ba Timor-Leste, S.E. Jonathan Schwass, akompanha mos husi Asistente Komisariu Polisia New Zealand nian Sr. Malcolm Burgess, Aid Manager Sra. Alison Canlin no Sr. Augusto Soares, Koordenador Programa New Zealand Aid. Enkontru ne’e, hala’o iha eskritoriu gabinete Ministerio do Interior, Vila-Verde Díli, Timor-Leste. Segunda 13 Abril 2015.
Objetivu husi enkontru ida ne’e, atu koalia konaba kooperasaun Polisia Nasional Timor-Leste (PNTL), liu husi departamentu Polisia Komunitariu (PolKom) ho parseiru Timor-Leste Community Police Program (TLCPP) nian ba oin. Tanba asuntu ne’e importante tebes, ne’ebe afeta ba komunidade nia nesesidades.
Embaixador S.E. Jonathan Schwass ne’e mos hateten, sira prontu atu fó apoiu ba Timor-Leste. Liu-liu kona ba servisu hirak ne’ebé sira atu halo, hodi hetan nia progresu no nia agradese mós ba Ministeriu Interior konaba kooperasaun diak entre servisu polisial nasaun rua ne’e. Iku Pires
