Tama ba loron daruak Diresaun Nasional Prevensaun Konflitu Komunitaria (DNPKK), nebe maka hetan apoiu finanseira husi Governu Japaun nomos UN Woman, hodi Realiza Workshop kona ba Saude Reprodutiva no Igualdade Jeneru ba iha pesoal Serbisu Migrasaun hamutuk 50 nulu (feto no mane) ho nia tema “ Koñese, Desidi no Proteze o Nia An no Isin Lolon”, no aumesmu tempu komemora mos aniversariu loron Feminina Servisu Migrasaun nian ba datoluk, iha salaun Enkontru Ministeriu Interior Vila-Verde Dili 27-11-2018. Iha biban ida ne’e intervista ho Adjunto Diretor Serbisu Migrasaun Inspetor Xefe Polisia Ricardo Pade, kona ba inportante husi workshop ida nee katak, atu hakarak hateten deit kona ba workshop ida ne’e importante tebes ba ita nia inan feton sira, tamba ita nia inan feto sira bele rona informasaun klaru liu kona ba saude reprodutiva, no mos hare ba igualdade Generu tamba saida mak nee importante, tamba ita hare ita nia feton barak mak serbisu iha instituisaun ida ne’e”, dehan Adjunto SM. Adjunto Diretor SM Akresenta konaba workshop ida ne’e ba mane sira mos importante tebes atu partisipa sekuandu la iha komprendesaun ba malu iha uma laran bele mos afeita ba iha serbisu fatin, ho sosializasaun ida ne’e diak ba ita hodi rona no halo ita nia kompriendesaun ida ke luan tebes, tamba buat sira nee afeita ba iha servisu, tanba serbisu balu ke inan feto sira mos ukupa hela pozisaun inportante balu, tenki paradu konserteza sira tenki husu lisensa (chuty), no mos hare kestaun igualdade generu tamba mane sira mos tenki komprende situasaun ita nia inan feto sira nia funsaun dupla ou kadaves knaar neebe todan tebes ba sira tenki halao servisu hodi hare fali ba familia no tenki hare mos ba sira nia serbisu iha instituisaun ida ne’e”, Tenik Adjunto Diretor. Nia mos hatutan, ita hare partisipasaun maximu husi ita nia feto maluk sira tambem husi mane sira mos, para bele hatene klean kona ba saude reprodutivo no igualdade generu para bele hatene informasaun ida nee diak liu tan,no liu husi sira nia suporta instituisaun mos bele lao ba oin ho diak liu husi worskshop ida nee”. Katak Adjunto SM. Nafatin ho Adjunto Diretor Serbisu Migrasaun informa katak, Depois workshop nee remata primeiru sira bele fahe informasaun ba sira nia familia no ba kolega sira para atu hatene situasaun kona ba saude reprodutiva no igaldade genero, segundo benefisiu husi whorkshop ida nee tamba atu halo partisipante sira atu komprende saida mak saude reprodutiva, no iha situasaun ida ne’e para sira bele hatene ona planu familia sira nian, bele iha to oan hira ho kapasiddade orsamentu naton deit nee, para oinsa bele lao ba oin no labele halula servisu, tamba sira chuty hela deit, entaun hau hanoin ho informasaun ida ne’e bele halo planu ba futuru nee oinsa para bele iha balansu servisu no mos ba familia.
