enpt-pttt
September 20, 2021 8:34 AM

SERVISU MIGRASAUN PROSESU TÁN TIMÓR OAN NAIN 203 IHA GLENO

image_pdfimage_print
1Ermera, 08 setembru 2021 (SRP) – Hafoin simu orientasaun hosi Diretór Jerál Servisu Migrasaun, Komandante Sektór Operasaun, Servisu Migrasaun, Inspetur Polísia, Luis do Carmo hamutuk ho ekipa investigadór halo tán identifikasaun ba sidadaun timór oan hamutuk nain 203 ne’ebé kompleta ona sira nia loron iha Komandu PNTL Munisípiu Ermera ne’ebé lokaliza iha Suku Fatukeru, Postu Railaku. “Horkalan ita halo identifikasaun uluk ba ema nain 50 no foin dadeer ne’e ita prosesu tan nain 61 hosi totál ema hamutuk 203 ne’ebé ita sei halo fazeadamente to ita konklui prosesu tomak iha Ermera nian”, dehan inspetur Polísia, Luis do Carmo, via telefone ne’ebé lidera investigasaun ne’e iha Gleno, kuarta ne’e. Nia hateten, sidadaun sira ne’e kompelta ona sira-nia loron iha kuarentena durante loron 14 no antes ne’e hetan deportasaun husi Indonézia iha fulan kotuk ba tanba tama ilegál iha fronteira ba iha Atambua-Indonézia. Luis haktuir, wainhira ekipa investigador husi Migrasaun remata prosesu identifikasaun sei entrega fali ba Servisu Investigasaun Kriminál Nasionál (SIKN) hodi kontinua halo investigasaun ba prosesu kriminál nian no sei haruka ba Ministériu Publiku hodi prosesa tuir lei. #AX

Leave a Comment

4 × three =