enpt-pttt
September 20, 2021 8:27 AM

SERVISU MIGRASAUN PROSESU TÁN TIMÓR OAN NAIN 192 IHA BAUCAU

image_pdfimage_print
2Baucau, 12 setembru 2021 (SRP) – Ekipa investigadór hosi Diresaun Jerál Servisu Migrasaun ne’ebélidera hosi Komandante Sektór Operasaun, Inspetur Polísia, Luis do Carmo, halo tán identifikasaun ba sidadaun timór oan hamutuk nain 192 ne’ebé kompleta ona sira nia kuarentena durante loron 14 iha GOR (Gedung Olah Raga), Suku Tirilolo, Postu Administativu Baucau, Munisípiu Baucau. “Atu informa deit ohin kalan ne’e Servisu Migrasaun halo ona prosesu administrativu ba sidadaun timór oan nain 192 sira ne’ebé kompleta ona sira-nia loron iha kuarentena GOR Baucau durante loron 14 ne’ebé antes ne’e hetan deportasaun husi Indonézia iha fulan kotuk ba tanba tama ilegál iha fronteira ba iha Atambua-Indonézia” informa inspetur Polísia, Luis do Carmo, via telefone iha domingu kalan ne’e. Nia dehan, durante prosesu administrativu iha sidadaun balu ne’ebé rekuza la selu multa sei haruka ba Polísia Servisu Investigasaun Kriminál Nasionál (SIKN) hodi tuir prosesu kriminál nian. “Bainhira ekipa investigadór husi Migrasaun remata prosesu identifikasaun no iha balu mak rekuza selu koima sei entrega fali ba Servisu Investigasaun Kriminál Nasionál hodi kontinua halo investigasaun ba prosesu kriminál nian no sei haruka ba Ministériu Públiku hodi prosesa tuir lei”, nia afirma. Luis esplika, hahú hosi ínisiu nia parte aplika multa másimu $250.00 ba kada ema sira ne’ebé konsege tama toó área Indonézia nian, enkuantu sidadaun timór oan sira ne’ebé halo negosiu ilegál iha de’it liña fronteira, Migrasaun aplika koimas mínimu. #AX

Leave a Comment

3 × 3 =