Segunda-Feira, Loron 3 Fulan Juñu tinan 2019, Sekretariu Estadu Protesaun Sivil, DR. Alexandrino Xavier de Araújo, prezide Serimonia Isar Bandeira Nasional hamutuk ho diretores Jerais, Diretores Nasionais, asesores nasionais, Funsionariu Publiku sira inklui estudantes estajiarius, iha Resintu Vila-Verde, Díli. Iha Diskursu, Governante VIII governu ne’e husu ba funsionariu hotu atu bele kria koperasaun no Komunikasaun ne’ebe diak entre superiores ho sub-ordinadu sira iha servisu fatin. Iha fatin hanesan, Sekretariu Estadu Protesaun Sivil (SEPS) bolu atensaun ba funsionariu públiku sira nafatin hatudu disiplina iha servisu fatin, entermus de administrasaun buat hotu lao tenki tuir regra no prosedimentu legal hodi alkansa roda administrasaun nian ho efisensia no efikasia. Serimonia Isar bandeira ba loron ohin, responsabiliza husi Funsionarius Diresaun Jeral Servisu Migrasaun no ekipa lori Bandeira Nasional husi membru Diresaun Seguransa Patrimoniu Públiku (DNSPP). #Fati#.