enpt-pttt
June 2, 2020 3:53 PM

SEREMONIA ABERTURA KURSU PROMOSAUN OFISIAL INSPETOR PNTL ANU 2019

image_pdfimage_print

1Dili- Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus akompanha husi Komandante Jeral PNTL, Komisariu Polisia Faustino da Costa, halo abertura ba seremonia Kursu Promosaun Ofisial Inspetor Polisia Nasional Timor-Leste (PNTL), anu letivu 2019/2020, ne’ebe hala’o iha Centro Formação Polícia (CFP) Comoro, loron Segunda Feira ne’e, 24/6/2019, Iha diskursu, Ministru Defeza no Ministru Interior Interinu Brigadeiru Jenerál (Ref) Filomeno da Paixão de Jesus hateten katak, ida ne’e maka planu komandu nian hodi prepara lideransa PNTL nian. “Ita hotu hatene katak, prosesu ida ne’e, tuir duni Diploma Ministerial ne’ebe maka iha. Ne’e, duni husu imi nain 53 iha ne’e, atu aproveita formasaun ida ne’e durante fulan sia nia laran hodi estuda makas material husi formador sira, tanba Komando iha ona planu ba oin hodi prepara imi sai lideransa hodi sai Komandu seksaun, komandu Pelutaun nomos komandu eskudra sira iha futuru oin mai. Hau espera katak espetativa ba oin imi bele sai ofisiais polisia nian. Iha parte seluk ida mos ho formasaun ne’e, ita bele halo ekiparadu entre forsa rua PNTL no F-FDTL iha nivel ASEAN nian. Nune’e, ema bele admira katak ita mos iha kapasidade atu jere PNTL hodi kontribui ba seguransa rejiaun nian. Hein katak to seremonia enseramentu, hau mos bele konvida membru Governu sira atu mai tula deviza ba imi”. Seremonia ne’e, hetan partisipasaun husi parseiru dezenvolvimentu PNTL sira, hanesan The Asia Foundation (TAF), AUSTRALIAN POLICE FEDERAL (AFP) , TLPDP (Timor-Leste Police Development Program), Xefi Koperasaun GNR, ofisiais, sarjentu no ajente PNTL tomak. #AX

Comments are closed.