Díli-Iha Loron Segunda -Feira (03/06/19), Inspektur Xefe Polisia, Fasiu de Jesus Lima, husi Diresaun Jeral Servisu Migrasaun realiza Treinamentu Reflesaun, kona-ba Lei Migrasaun no Azilu númeru 9/2003 no 11/2017, Iha salaun enkontru Vila-Verde. Diretor Jeral Serbisu Migrasaun, Superientendente Asistente Polisia, Boavida Ribeiro haktuir iha entervista konaba objetivu Treinamentu ne’e, atu fó hanoin fila-fali materia ne’ebé sira hetan ona, liu-liu kona-ba kualidade atendementu iha terenu, hanesan iha fronteira sira. treinamentu ne’e hanesan avaliasaun materia durante hala’o sira nia serbisu. Iha parte seluk Diretor Jeral ne’e hatutan tan, la’os hare ba atendementu deit, halo mós re- treinamentu ba kualidade planeamentu. formasaun ne’e foka liu ba iha area operasaun nian no ezekusaun orsamentu ba iha serbisu Migrasaun nian. #Elisa#.
