Dili-Iha loron segunda feira ne’e, Loron 7 Janeiru 2019, Sekretariu Estadu Protesaun Sivil (SEPS), Dr. Alexandrino Xavier Araújo prezide seremonia Isar Bandeira Nasional, iha resintu Vila-Verde, Díli. Iha biban ne’e, Sekretariu Estadu Protesaun Sivil (SEPS), Dr. Alexandrino Xavier Araújo hatete katak, Importante tebes atu hare fali orsamentu, ba funsionariu permanente sira nomos kontratadu sira. “Husu ba funsionarius sira hotu, hahu husi Diresasaun Gerais, Xefi Departamentu, Diretores nasionais sira no mos funsionarios sira hotu iha Ministeriu Interior katak, persija tebes ita nia koordenasaun ba malu. Importante tebes atu hare fali orsamentu, hahu husi primeiru salariu, tantu ba funsionariu permanente sira nomos kontratadu sira. Husi parte pagamentu nian, persija tebes hare ba rubrika sira, atu nune’e funsionariu kontratadu sira labele mos sai fali “Anak Tiri” iha Ministerio ida ne’e. Serbisu hotu-hotu hanesan maibe iha nia estatus mak la hanesan balu iha kontratadu no balu permanente, hau enkontru ba dala uluk hamutuk ho kontratadu sira hotu iha salaun Ministerio Interior nian hau desidi tiha ona katak, laiha ema ida atu hasai kontratadu, ba se deit tamba imi balu fo ona imi nia vida ba serbisu balu too tinan sanulu ona maibe kontratadu nafatin. Maibe buat hotu-hotu tenke tuir regras ne’ebe mak iha. Desizaun ne’e tamba ita Timor oan lahare ba ida neebe mak mai uluk. Ne’e duni hau husu ba funsionario hotu-hotu atu serbisu ho disiplina iha ita nia serbisu fatin. Iha ona orsamentu foin dadaun ita nia Nai Prezidente veta atu husu konfirmasaun fali ba parlamentu haruka fali ba ita nia Nai Prezidente, bazeia ba planeamentu no orsamentu 2019 nian atu prepara bainhira ita nia nai Prezidente promulga orsamentu, kada Diresaun halo planeamentu hotu- hotu atu hanoin planu saida mak atu halo no estabelese iha 2020. Ita atu halo planu saida kuandu ita liga ba orsamento iha nasional iha komunidade monitorizasaun planeamento ita atu hatama ita nia planu sira nee dala ruma konfuzaun tamba nee mak husu ba Diresaun sira hotu-hotu atu bele ezerse imi nia funsaun ho diak. kada Diresaun iha nia orsamento boot, husu ita sira atu kalma iha situasaun ida nee para bele fo tempo ba ita nia nai Prezidente atu bele promulga OGE 2019, ita mos prepara atu halao ita nia serbisu labele hein hela depois kuandu promulga tia ona ita dada fali tempo too fali fulan seluk sira nee mak prosesu, entaun aprovizionamento foin mak bele halao. Bainhira atu halao iha neeba sistema taka tia ona,orsamento depois fila sai fali hanesan deve boot ida iha neba tamba nee parte Diresaun sira favor boot ida, imi nia servisu todan servisu makaas maibe servisu nee iha ida idak nia funsaun. Kada diresaun hotu-hotu iha nia funsaun laiha diresun ida mak funsaun nee kiik liu laiha diresaun ida mak funsaun nee boot liu tamba ita iha empregadu ida ba ida, tamba nee ita labele sura ita nia servisu barak liu halo buat ida tamba hotu-hotu nia akordu bainhira funsaun nee fahe ba ita automatikamente ita tenke halo tuir nia funsaun. #Alan
