Dili 13-5-2019 Ohin serimonia entrega kargu Diretur Jeral Sesante ba Diretur Jeral foun ho Diretur Nasional Protesaun Sivil ba Diretur Nasional foun iha salaun enkontru sekretaria estadu protesaun sivil Caicoli. Iha intervista ho Sekretariu Estadu Protesaun Sivil Alexandrino Xavier de Araujo, hateten ba jornalista sira katak, Ohin lokraik ida ne’e halao serimonia entrega kargu husi Diretur Jeral Sesante ba Diretur Jeral foun no Diretur Nasional Protesaun Sivil Sesante ba Diretur Nasional foun, ida ne’e hanesan mudansa bain-bain hanesan bainhira Diretur Jeral sesante asumi kargu durante tinan sanulu resin hat (14), no Diretur DNPC tinan lima ba nen (5-6), tanba ida ne’e ho sira nia idade nebe mak iha”. Menrbu Oitavu Governu ne’e salienta tan katak, hau hanoin para iha mudansa ruma, maibe mudansa ida ne’e laos hau mak halo iha ne’e, hau so halo pedido ba iha Funsaun Publika, depois Funsaun Publika bele aprova ka lae, mais finalmente Funsaun Publika aprova no depois haruka mai mak ohin iha Diretur Jeral foun mak Sr. Ismael da Costa Babo, nomos Diretur Nasional Protesaun Sivil mak Albano Salem”, katak SEPC. SEPC mos akresenta, tanba ida ne’e iha Mudansa foun, mudansa ida ne’e mos la siknifika hasai Sr. Domingos Pinto ho sr. Candido Gusmão, husi fatin protesaun sivil, hau hakarak aproveita momentu ida ne’e agradese no apresia ba sira nain rua, tanba durante ne’e sira nain rua, hanesan fundador ba Protesaun Sivil dezenvolve mesmu ke seidauk diak 100% maibe bele iha ona instituisaun protesaun sivil oan ida nebe mak hodi bele halao serbisu liu-liu atu proteze ita nia povu sira iu husi desastre sira liu husi ahi han uma nomos seguransa nian nomos buat sira seluk-seluk tan. entretantu Sekretariu Estadu Protesaun Sivil mos lahaluha hodi nafatin tau diretur jeral sesante no diretur nasional sesante iha fatin inportante ida mak hanesan asean forum ho CPLP tanba sira nain rua hanesan patrimonio protesaun sivil nian. Iha fatin hanesan Diretur Jeral Serbisu Operasional foun Superintendente Asistente Ismael da Costa Babo, mos haktuir ba Jornalista sira kona ba mensajen sira nebe mak Diretur Jeral sesante hatoo ne’e katak, hanesan Diretur Jeral foun agradese ba obra nebe mak Diretur Jeral sesante hatoo mai hau, normalmente ita asumi pozisaun ida ita tenki hare saida makhalao tia ona no saida mak seidauk halao depois ita hare saida mak halo ona, iha prezente ita akumula hodi lori ba oin no ohin Diretur Jeral Sesante ho Dirertuir Nasional sesante hatoo mak ita presija amenta kapasitasaun, hanesan Diretur Jeral foun hare instituisaun Protesaun Sivil ne’e inportante iha nasaun ida ne’e Ita presija hare lei seguransa nasional mensiona katak instituisaun ida nebe mak proteze ema nia vida ho rikusoin hirak ne’e mak Protesaun Sivil, Ita presija hamosu tan lei bazika protesaun sivil no estatuto Bombeiros Estatuto Seguransa Sivil Lei lubuk bot ida mak ita presija dezenvolve hodi asgura ita nia serbisu Protesaun Sivil diak liu tan ba oin.
