Komemorasaun loron Funsaun Publika ba Dala 15, Iha tinan ida ne’e Sekretariu Estadu Protesaun Sivil Alexandrinu Xavier de Araujo, hamutuk ho komisaun organizadora realiza vizita kortezia ba Prizaun Becora, hodi hatudu jestu de solidariedade ba maluk prizioneirus nomos guarda prizioneiru sira nia kondisoens, alende ne’e mos fahe sasan desportivas mak hanesan, Bola, Farda no Viola nomos sasan sira seluk tan, iha Prizaun Becora Dili 11-06-2019. Iha biban ne’e mos intervista ho Sekretariu Estadu Protesaun Sivil Alexandrinu Xavier de Araujo, hateten ba Jornalista sira katak, ajenda ida ohin ne’e mai husi Gabinete Primeiru Ministru para kada Ministeriu Vizita Prisaun Becora, Prisaun Gleno no mos Suai”. Dehan Sekretariu Estadu Protesaun Sivil ba Jornalista sira. Menbru Oitavu Governu ne’e kontinua fo korazen ba maun alin sira nebe tama iha fatin ida ne’e, ita tenki konsiente katak sira laos mai kastigu, maibe mai halo reflesaun no rekoperasaun ba sira nia vida iha fatin ida ne’e hodi halo reflesaun para fila fali bele hadia sira nia moris hamutuk ho familia fen oan iha sosiedade”. katak SEPC. Menbru Governu ne’e akresenta ba Jornalista sira katak, atu komemora mos ida ne’e, husu ba sira hotu nomos ita nebe marka prezensa iha ne’e, hanesan estudu boot ida ba ita atu hare vida oinsa mak guarda prizioneiru sira ninia moris no oinsa prizioneiru sira rasik nia kondisoens ida ne’e atu kompartila para que ita bele serbisu hamutuk ita labele haketak sira nebe iha laran nomos ita iha liur ita ne’e kompostu integradu hanesan nasaun ida deit, sira mos povu ita liur mos povu, hamutuk atu kontribui ba ita nia rai doben ida ne’e”.dehan SEPC ba Jornalista sira hafoin vizita remata ba prizioneirus sira iha Prizaun Becora Dili.
