Segunda-Feira, Loron 3 Fulan Dezembru tinan 2018, Sekretariu Estadu Protesaun Civil, Alexandrino Xavier Araújo, prezide serimonia Isar Bandeira Nasional ba dala ikus tinan ida ne’e nian hamutuk ho Diretores Jerais, Diretores Nasionais, xefe Departamentu, Asesores, funsionarius públikus no estajiariu sira, iha resintu Vila-Verde, Díli. Membru Oitavu governu ne’e hato’o agradesimentu ba diretores jerais no nasionais sira hotu ne’ebe mak durante ne’e ho fuan boot servisu hamutuk hodi hala’o servisu estadu nian ba nasaun ida ne’e, “imi iha esperensia ne’ebe bo’ot tebes, imi nia kordenasaun lao diak, presija rona e fiar malu nafatin, hatudu imi nia loyalidade,”. Iha okaziaun ne’e, Sekretariu Estadu protesaun sivil informa katak sekretariu estadu ho ekipa sei hala’o misaun servisu ba Jakarta Indonesia atu hasoru malu ho entidades Badan Nasional Penanggulangan Bencana (BNPB) hodi koalia konaba serbisu ne’ebe sei halo hamutuk entre Governu Timor-Leste ho Indonesia iha tempu badak. #Fatinha#
