Quinta 9-04-2015 Seminar ba loron ida, organiza hosi Instituto Superior de Filosofia e de Teknologia Dom Jaime Garcia Goulart, ho orador nain hat mak hanesan S.E. Primeiro Ministro DR. Rui Maria de Araújo, Dom Basilio do Nascimento, no Prof. DR. Eddy Kristiyanto ,OFM. Prof. DR. Armada Riyanto, CM. Halao Iha Salaun Palasiu De Nobre Lahane Dili.
marka prezensa iha refleksaun refere mai hosi Eis Prezidenti Parlamento, DR. Francisco Guterres Luolo, Diretur PCIK, Menbrus Parlamentu Nasional, Menbrus Guvernu, Bispu Dom Norberto do Amaral, Padre Madre no Estudante sira mos, no Amu Kapelaun Polisia Nasional Timor-Leste PNTL Inspetur Xefi Nelinho Ameriçio mak reprezenta hela S.E. Ministro Interior DR. Longuinhos Monteiro nia fatin.
iha oportunidade ida ne’e Dom. Basilio do Nascimento, nia palestra heteten, katak papel uma kreda ninian mak proposta salvasaun ba fe tradisaun ema atu ba moris rohan laek, no oin-sa Timor oan nia moris hatudu nia fiar iha vida lor-loron kona ba fiar iha ita nia moris, simplesmente Dom. Basilio do Nascimento, nia lian badak hatete presija konsumu de sakramentu de transformasaun radikal vida moris nian, no hau nia vida tomak husi laran to liur presija muda uainhira o lahalo refleksaun ba transformasuan vida moris nian”, hatete Dom. Basilio do Nascimento, iha Salaun de Nobre Lahane Dili.
No iha sorin seluk Pe. Martinho G. Gusmão, Lic Phil. hateten lia hirak ne’e hafoin de remata seminar refere hodi esplika kona ba objetivo jeral ba seminar ida ne’e katak primeiro atu hatete deit, uluk igreja luta ba dalan ida oin-sa mak sofrimentu, no ba ami Padre Jerasaun foun sira ami hakarak koloka fali igreja nia papel da luta ne’e, atu fo naroman ba povu, porque igreja ida ne’ebe lahalo refleksaun kritika ba nia a’an rasik no ninia papel iha nia sosiedade, igreja ne’e mate mos lae, moris mos lae, ne’e duni presija fo esperitu uainhira ema koalia kona ba transformasaun jerasaun foun, ho nia lian hateten ( Sim Senhor), ne’eduni ba Estado no ba politika mais Padre sira hosi jerasaun foun mos iha korazen atu brani simu kritika, no ohin imi rona Prof. Eddy hatete, lolos korupsaun ne’e laos deit Estado nia laran, mais laos deit iha Vatikanu, iha Indonesia mos Igreja halo korupsaun, no iha dili mos iha, tamba nemak igreja mos iha ona korazen laos atu tau liman deit ba ema, maibe mos hatudu ba hirus matan rasik, hodi simu kritika sira ne’e, ho nune mak ami hakarak refleksaun ida ne’e tinan-tinan halo estudus hanesan ne’e para halo katak oin-sa ita nia programa refleksaun ne’e lao ba oin, no inklui Produs Livru.
