enpt-pttt
December 16, 2017 7:57 PM

Serimonia ba komemorasaun Aniversariu ba dala tolu Uniaun Bombeiros Paises Lian Portuguesa (UBPLP) ho mos inagurasaun Kuartel Bombeiros Aileu

Liu husi komunikadu imprensa ida ne’e Media husi SES nian, hakarak informa ba publiku no mos konvida Media Nasional hotu-hotu iha Timor-Leste, atu bele ba marka presensa no halo kobertura ba aktividades Diresaun Nasional ba protesaun sivil ho Bombeiros Timor-Leste, nebe mak sei halao selebrasaun no Serimonia ba komemorasaun Aniversariu ba dala tolu Uniaun Bombeiros Paises da Lian Portuguesa (UBPLP) ho mos inagurasaun Quartel Bombeiros Aileu nebe mak sei halao iha loron Sexta feira iha data 22 de Outubro de 2010,Serimonia no inagurasaun ne’e sei halao iha horas tuku 10.00 OTL iha quartel Bombeiros Aileu.

Prosesu ida ne’e sai hanesan pasu importante ida tan ba iha historia dezenvolvilmentu Diresaun Nasional ba protesaun sivil no mos Bombeiros Timor-Leste nia, maske ho limitasoens oin oin no mos infrenta obstaklus no desafius lubun ida iha prosesu dezenvolvimentu ba Diresaun Nasional ba protesaun sivil no mos Bombeiros Timor-Leste, maibe Diresaun ida ne’e liu husi suporta nebe mak Sekretaria Estado ba Seguransa fo, sei kontinua halo esforsu oin oin hodi bele estabelese nafatin servisu Bombeiros nia lao ho diak nafatin ba futuro.

Iha Serimonia komemorasaun ho Inagurasaun ne’e mos, S.E. Sekretario Estado ba Seguransa, Fransisco Gutteres Phd. sei marka presensa direitamente ba iha serimonia komemorasaun Aniversario ba dala tolu UBPLP no mos inagurasaun Quartel Bombeiros Aileu hodi halao prestasaun de Honras e Inisio da Seremonia.

 

Programa Seremonia nia sei halao hanesan tuir mai ne’e :

 

09.00 : Konvidadus hotu sei to’o iha fatin serimonia no mos inagurasaun nia.

10.00 : S.E. Sekretaria de Estado da Seguransa sei halo prestasaun de honras e inisio da seremonia

10.10 : Palavras de boas vindas husi Chefe da Komisaun Organisadora

10.20 : Breves palavras husi Direitor Nasional ba Protesaun Sivil

10.40 : Breves palavras husi S.E. Sekretaria de Estado da Seguransa

11.00 : Sei hahu halao inagurasaun ba Quartel do CB Aileu

  • Kua Fita
  • Bensaun ba instalasaun

 

11.45 : Visita ba instalasaun CB Aileu

12.30 : Sei halao almoso hamutuk ho konvidados hotu-hotu

 

 

Obrigadu Wa’in

 

Ivo Gil da Costa Tilman

Assesor Nasional ba Media SES

Ministeriu Defeza no Seguransa

Sekretaria Estadu ba Seguransa

+ 670-7255886

 

 

Cc : S.E. Fransisco Gutteres Phd.

        Sekretariu Estado ba Seguransa

 

Cc : Sr. Domingos Pinto

        Director DNPC