enpt-pttt
November 25, 2017 10:41 AM

PEREGRINASAUN BA “SANTUÁRIO NACIONAL NOSSA SENHORA DE AITARA”

image_pdfimage_print

2Soibada- Ministru Defesa no Seguransa, Sr. Jose Agustinho Siqueira “Somotxo”, akompanha husi nia spouza, partisipa peregrinasaun nasional ba dala XV, ne’ebe diriji husi Bispu Dioseze Dili, Dom Virgilio do Carmo da Silva, akompanha husi bibi atan rua seluk, Bispu nain rua, Bispu Dioseze Maliana, Dom Noberto do Amaral no Bispu Dioseze Baucau Dom Basílio do Nascimento, ne’ebe hala’o ho prosesaun hodi adora no hahi Maromak nain feto Santisma Trindade hahu husi Igreja Sagrado Coração de Jesus ba to’o kapela Santuariu hodi hasa’e sakrifisiu Misa ba Nain Feto Aitara Iha Suku Manlala, Postu Administrativu Soibada, Munisipiu Manatuto, iha loron Domingo 15/10/2017. Bispu Dioseze Dili, Dom Virgilio do Carmo da Silva iha nia homilia, hatete katak, razaun sarani hotu halibur iha ne’e, hodi hametin liutan fiar no sai instrumentu pas nian. “Ohin sarani peregrinu sira sente haksolok hodi hadulas Nain Feto. Mesmu Estrada mai ne’e at tebes, maibe laos obstaklu, bas’a ita fiar katak ho Inan Maria, bele hametin liutan ita nia fiar. Ita mai tanba atu agradese ba buat oin-oin ne’ebe ita simu ona no kontinua atu halo buat ne’ebe ita halo ona. Ohin iha evangellu, proveta Isaias husu ita atu laran metin nafatin ba Maromak. Tanba nia horik iha ita ida-ida nia laran. Ida ne’e mak razaun ita kreda sarani iha Timor hotu halibur iha ne’e. Tanba, Nai konvida ita atu sai instrumentu pas nian. Nudar sarani, ida ne’e ita nia vokasaun obrigasaun atu halo. Ohin iha ne’e, hamutuk ho nai ulun sira iha fatin Santu ida ne’e, atu fo obrigado ba povu atu ukun povu ida ne’e nune’e, bele servi povu no nasaun ne’e tuir Maromak nia hakarak”. Amo paroquia Igreja Sagrado Coração de Jesus Soibada, Pr. Tiago da Costa Soares, Agradese ba Xefi do Governu ho estrutura tomak ne’ebe hola parte iha prosesaun ne’e. “Ami sarani Agradese ba aman Governu nian Sr. Primeiru Ministru, ne’ebe fo ona instrusaun ba membru Governu tomak hodi hit an mai to iha nee. Hein katak ho prezensa ida ne’e, iha nafatin espiritu eukaristia nian, ita harohan nafatin ba Nain Feto Aitara nia kadunan Santu, wainhira halo formasaun ba Governu foun karik, atu mantein nafatin unidade nasaun nian, hodi ita lao ba oin. Antes fahe malu Prezidente Komisaun Organizadora ba peregrinasaun ne’e, hato’e agradese ba estrutura membru VII Governu foun no eis titulares tomak ne’ebe, tinan ida nee marka ona prezensa ba peregrinasaun ida ne’e. #AX

Comments are closed.