Dili-hafoin simu orinetasaun husi Komando Polisia Nasional Timor Leste Munisipiu Dili, Komandante Skuadra sira orienta kedas Ofisial Polisia Suku (OPS) sira, hodi mantein nafatin kontrola hodi tama sai bairu, hodi halo prevensaun ba atividade kriminal. Operasaun tama sai bairo ne’e bazeia ba keixas no lamentasaun husi komunidade nomos atu ezekuta rezolusaun ne’ebe hatun ba Komando Jeral Polisia Nasional Timor-Leste (PNTL), ne’ebe konsidera katak, komesa iha violensia urbana, grupu atake grupu, suku ida ba ataka suku seluk. Nune’e ohin dader ne’e, Ofisial Polisia Suku Vera Cruz entrega ema nain ida mai Servisu Migrasaun, enkuantu OPS husi Suku Meti-Aut entrega ema nain hat nomos Skuadra PNTL Comoro entrega ema nain rua mai Servisu Migrasaun hodi prosesa tuir lei. Antes ne’e, Komandante PNTL Munisipiu Dili, Superintendente Xefi Polisia Pedro Belo hateten sira sei halo operasaun maka’as liu tan iha bairo-bairo ne’ebe risku ba konflitu, iha Dili laran. Operasaun tama sai Biro ne’e hala’o relasiona ho konfrontasaun ne’ebe mak kontinua mosu iha bairo-bairo ikus-ikus ne’e, tanba ne’e Komandante Belo, dehan sira firme nafatin rezolusaun husi governu ne’ebe hatun ona ba iha komando. Entertantu, Diretor Geral Servisu Migrasaun, apresia ho servisu OPS husi SUku tolu ne’ebe konsege lori sidadaun estranjeiru sira ne’e mai entrega iha sede Nasional Diresaun Jeral Servisu Migrasaun Vila Verde. ”Agradese wain ba susesu serbisu PNTL Dili, tanba bele identifika ona sidadaun sira ne’ebe mai servisu iha ne’e uza vistu turista. Prezensa membru OPS positivu teb-tebes tanba ajuda ona redus konflitu nomos hodi kontrola sidadaun estranjeiru hirak ne’e. tanba ne’e, hanesan ajente seguransa ba nasaun ne’e, ami sei mantein servisu hamutuk no komunikasaun diak entre autoridade lokal no Joventude sira ho komitmentu atu kombate krime Ilegal nebe mosu iha nasaun Nasaun Timor-Leste hanesan droga, Trafiku Umanu, Peska Ilegal no krime seluk. #AX
