Dili-Iha loron Kinta feira, 21 Fevereiru 2019, Ministru Defeza no Ministru Interior Interinu, Brig-Gen (Ref) Filomeno da Paixão de Jesus ,simu vizita kortejia embaixadora Nova Zelándia mai Timor-Leste, Sra. Vicky Barbara Poole, ho komitiva hodi koalia konaba apoiu Governu Nova Zelandia liu husi embaixada Nova Zelandia ne’ebe durante ne’e, hatudu duni sira nia komitmentu hodi dezenvolve Polisia Nasional Timor-Leste (PNTL), liu husi implementa programa Polisiamentu Komunitaria ho diak, tuir modelu dezenvolvimentu Timor ninian. Iha okajiuan ne’e, Ministru Interior Interinu hateten katak, durante halo vizita ba servisu iha RAEOA, hare katak, programa hari uma ba OPS no suku Oenuno iha RAEOA, maka sai hanesan pilotu no uma OPS ne’e rasik sei kontribui ba Vizibilidade, Involvimentu no Profesionalismu husi Ofisial Polisia Suku sira hodi halo sira sai parte husi komunidade ne’ebe maka sira servi. Hafoin remata enkontru ne’e mos, atual Ministru Defeza ne’e, agradese ba apoiu husi Governu Nova Zelandia nomos parseria dezenvolvimentu sira, ne’ebe ho laran tomak hakarak kontribui no apoiu progresu dezenvolvimentu PNTL. #AX
