Ministru Interior Interinu Dr. Filomeno Paixao de Jesus, hamutuk ho Komandante Jerál PNTL Komisáriu Julio da Costa Hornay, hato’o sentidu kondolensia ba família enlutada iha serimonia funeral. Semiteriu Becussi Kraik Suku Becora Postu Administrativu Cristo Rei Munisipiu Dili 21-11-2018. Antes ne’e komando PNTL hola inisiativa makas hodi kopera didiak ho familia matebian sira sei akompaña mate isin refere husi Unidade Polisia Batalão Ordem Publika BOB iha Igreja Santo Antonio Motael ba halot iha semiteriu becussi no iha misa refere hetan partisipasaun masimu husi Joventude, familia, parentes no mos Espoza Prezedente Repzublika Timor-Leste Sra, Cidália Lopes Nobre Mouzinho Guterres, Espoza Primeiru Ministru, Isabel Ferreira, Premiadu Nobel Da Paz Jose Ramos Horta, Ministru Interior Interinu Dr. Filomeno Paixao de Jesus, no Komandante Jerál PNTL Komisáriu Julio da Costa Hornay. Ministru Reforma Lejislativa no Asuntu Parlamentár, Fídelis Leite Magalhães. Iha biban ne’e mos Ministru Interior Interinu Dr. Filomeno Paixao de Jesus, hato sentidu kondolensia ba familia matebian nain tolu antes de tau aifunan iha rate Semiteriu Becussi katak lori Oitavu Governu nia naran mai prezente iha funeral ida ne’e hakarak espresa ho sentida kona ba tragedia nebe akontese ba ita nia oan nain tolu ne’e, hanesan hateten tia ona laos buat ida ke planea, no laos buat ida ke orienta tau iha ulun atu halo buat sira ne‘e, laos buat ida ke sistematiku iha ne’e dala ida tan ami aprezenta ami nia diskulpa ba familia nain tolu ne’e, maibe hau hakarak akresenta labele nune’e bebeik ida tiru ida mai husu diskulpa, ida tiru bot sira mai husu diskulpa, ida ne’e tenki para ona, ida ne’e mak oitavu governu liu husi ami nia hanoin tenki halo marka ida, hari didin ida ke fahe hahalok at hotu ho sira nain tolu ne’e, ita hotu tur hamutuk komesa husi Ministeriu Interior no ho apoiu Governu tomak, apoiu mos husi Parlamentu, apoiu mos husi PDHJ no apoiu mos husi sosiedade sivil no apoiu husi ita nia forsa husi sosiedade tomak mai ita hotu hari didin ida ne’e para fahe hahalok at ba kotuk, hari buat foun ba oin”. Dehan Ministru Interior Interinu. Hau dehan, ida ne’e mak ita nia hakarak ba polisia hodi ba oin atu moris tuir lei, tuir hahalok nebe sosiedade ne’e simu, iha ne’e mak ami halo esforsu ona halo bok an ona, laos ami paradu, ami komesa bok ona, halo revizaun ba legislasaun konaba polisia ninian hodi hare ba konduta sensiais ba polisiais sira implementa ka lae, ami to ona iha konkluzaun iha katak iha lakunas barak, iha buat barak lalos ba ida ne’e mak presija imi nia ajuda, mai ita hotu kria marku ida ne’e, hodi hari didin ne’e para fahe iha ne’e ba oin, entaun hau nia esperansa katak hau labele promete buat ida ba imi, no hau nia esperansa ba tinan ida ka rua nia laran ita bele halo mos iha polisia ne’e lao hanesan F-FDTL no sira nain rua lao sei diak liu tan, ida ne’e mak ami nia esperansa no ida ne’e mak ami nia hakarak”. Hateten Ministru Interior. Eis Brigadeiro-General F-FDTL nafatin Dehan ba familia matebian sira katak, ida ne’e mak ami nia vizaun, ida ne’e mak ami nia politika no estratejia, tanba ida ne’e ami nafatin apelu ba familiares sira marka prezensa iha iha fatin ida ne’e, susar ida ne’e, nesta memento ita dehan ba tan oin bele akontese fali, ita hotu –hotu iha ne’e bele ba iha festa, ita hotu bele han kartus fila fali tanba ne’e mak komandante PNTL iha hau nia sorin no hau ho nia sei tur hamutuk ho komandante sira hotu”, Tenik Eis Brigadeiro-General F-FDTL. Emidiatamente depois de tiru teu sira ne’e, ami halo reuniaun no fo atensaun ba sira para ona, imi kumpri deit lei nebe iha, por que iha komandante balu mak seidauk implementa, maibe iha polisia laos sabraut hanesan ne’e, iha barak mak diak maibe sempre ida rua mak ladiak no ita iha uma laran mos iha oan ida rua mak ladiak, laos sira hotu ladiak, iha ita nia knua mos hanesan, no ita nia uma lisan mos sempre iha balu kleuk, maibe ida ne’e labele husi kleuk deit”, katak Ministru Interior. hau lakohi mai husu diskulpa bebeik ba familia sira, hau husu dala ida tan buat ida ne’e tenki para ona, ida ne’e Oitavu Governu iha ona kumprimisiu atu hare ida ne’e ba oin”, mak ne’e deit, Iha hau nia sorin komandante Jeral PNTL Reprezenta komando PNTL no hau nia sorin Ministru Reforma Lejislativa no Asuntu Parlamentár, nebe mak reprezenta Primeiru Ministru no hau reprezenta Ministru Defeza no Ministru Interior ami iha ne’e dala ida tan, terus nebe imi terus, no terus ne’e ita nian, no susar ida ne’e mos ita nian, hanesan ohin hau dehan ita lahadia em kualker altura ita hotu sei sai fali alvu.
