Ohin dader, loron Kinta 16 Abril 2015, Ministru Interior DR. Longuinhos Monteiro, nomos linhas ministeriu relevante, hasoru malu ho Primeiru Ministru, DR. Rui Maria de Araújo iha Palacio do Governo, hodi hato’o relatoriu semanal nomo koalia konaba situasaun em jeral rai laran nian.
Hafoin remata enkontru, ba jornalista sira, DR. Longuinhos Monteiro hatete, “ohin ami konvoka reuniaun ida ne’e, iha ambitu operasaun nian, atu hetan no verifika detalhus kona-ba operasun ninia, para governu hodi bele akompanha tuir progresu operasaun iha terrenu no ohin mós halo avaliasaun ba servisu enpehamentus operasoes tatikas iha terrenu nune’e mós husu governu nia pontu de vista halo koberturua ne’ebé mak ita presiza para atu sustenta ita nia forsa sira iha terrenu para atu bele hala’o sira nia servisu ho diak.
Ita hatene ita nia vitima sira agora ne’e kompleta fulan ida ona iha atividades operasaun ninia para ita bele hatene nia balansu ne’e to’o iha ne’ebé, saida mak hala’o ona, saida mak seidauk halo no saida mak presiza atu halo iha oin mai. Ida ne’e mak reuniaun ne’ebé ohin ami halo, no ita hein katak iha semana oin mai komandante forsa rua sei mai nafatin atu hato’o hela brieifing ho relatoriu final ba fulan ida ne’e nian, para governu mos bele hola medidas foun, konkretus ba iha atividades operasaun iha terrenu ninia.
Konaba prolongamentu operasaun ninia, ita hare’e ba relatoriu, maibe emprinsipiu ita hare’e katak operasaun sei la para ita nia rezolusaun governu rasik la termina katak, nia atu hotu no loron tolu nulu ne’e faze ida ne’ebé mak ita konkorda ho operasaun tarefas konjunta. Katak, atu fó primeiru loron tolu nulu se la loron tolu nulu mós la signifika katak, operasaun ne’e atu para, operasaun ne’e sei la’o nafatin no mai ho formas ne’ebé mak diferente. Iku Pires
