Dili-Ministru Interior Interninu, Dr. Filomeno Paixão de Jesus, halao audensia nivel komisaun nian ho Prezidente Komisaun B Dr. Aderito Hugo, ne’ebe trata Asuntu Defeza Seguransa no Relasaun Externa iha sala Komisaun B Parlamentu Nasional (27/11/2018). Objetivu husi audensia ne’e, hodi halo justifikasaun konaba OGE (Orsamentu Geral Estadu) 2018 nomos defeza ba OGE 2019. Durente audensia, deputadu sira halo medidas interativu hodi klarifika no halo intervensaun konaba ejekusaun ne’ebe antes ne’e ejekuta ona nomos husi parte Ministeriu no Polisia Nasional Timor-Leste (PNTL) halo mos aprezentasaun konaba OGE 2019 ne’ebe aloka ba Ministeriu Interior tomak inklui Sekretariu Estadu Protesaun Sivil nomos PNTL. Audensia ne’e, Ministru Interior Interinu akompanha husi Sekretariu Estadu Protesaun Sivil, Dr, Alexandrino Xavier de Araujo, Komandante Jeral PNTL, Komisariu Polisia Julio da Costa Hornay, Diretora Geral Korporativu, Sra. Guilhermina F.S. Ribeiro, Diretor Geral Servisu Operasionais, Sr. Domingos Pinto, Diretor Geral Servisu Migrasaun, Superintendente Asistente polisia Boavida Ribeiro, Diretora Gabinete Inspesaun no Auditoria Sra. Candida do Rosaria da Costa Soares, Diretora, Gabinete Asesoria Sra. Domingas Maia Barros, Diretores Nasionais sira husi Ministeriu Interior inklui asesor nasionais nomos internasionais sira. #AX
