MEMBRU PNTL NAIN 15 TUIR FORMASAUN IHA XINA
Beijing-Governu Xina liu husi Ministériu Seguransa Publika Republika Popular China, mantein nia komitmentu hodi halo relasaun bilateral ho Governu Timor-Leste, hodi hasae kunesmentu, kapasidade no tekniku liu husi oferese Kursu Tekniku iha Area Radio Komunikasaun Digital Trangkeling ba membru PNTL (Polisia Nasional de Timor-Leste), ho Durasaun semana rua Iha Sentru Akademia Polisia, Beijing Xina. Durante estadia iha ne’eba, (24-8/8/2018), membru PNTL sira halo mos vizita ba Komandu Polisia Sidade Jinan nomos Estasaun Polisia sira hodi hare besik liu sistema kontrolu konaba baze de dadus nomos Radio Komonikasaun Digital Trangkeling nebe instala na Iha Komando Polisia iha Sidade Jinang . Durante Semana Rua Iha Beijing, hetan akompanhamentu husi Adidu Servisu Migrasaun embaixada Republika Demokratika Timor-Leste iha Beijing, Ajente Xefi Polisia Mariano dos Santos. Kursu ne’e rasik hetan apoiu husi Ministeriu Seguransa Publik Xina no suporta husi Companhia Xwart. Partispantes sira ne’ebe tuir formasaun ne’e hamutuk ema nain 15, kompostu husi membru Unidade Polisia Fronteira (UPF) ema nain ida, Komandu PNTL Munisípiu Manufahi Nain ida, no nain 13 seluk husi Logistik Area Komunikasaun no Sentru Nasional Operasional (NOC) no IT, husi Quartel Geral PNTL nian. #AX
