enpt-pttt
November 25, 2017 10:43 AM

MDS PARTISIPA KOMEMORASAUN LORON MUNDIAL REDUSAUN RISKU DEZASTRES

image_pdfimage_print

AILEU-Loron 13 fulan Outubru 2017, S.E. Ministru Defesa no Seguransa, Sr. Jose Agustinho Siqueira “Somotxo”, partisipa selebrasaun loron mundial ba redusaun risku dezastres Iha Suku Aissirimou, Munisipiu Aileu Vila. Iha Diskursu Ministru haktuir katak loron ida ohin loron internasionál ba risku no dezastres, tanba ne’e husu ita hotu hamrik, hodi fo homenazen ba maluk sira iha mundu tomak ne’ebé mate ba dezastres Naturais. Lori Ministeriu Defeza e Seguransa hakarak agradese ba Ministeriu Solidaridade Sosial ne’ebé hamutuk ho autoridade nasionál ho parseiru sira husi ajensia organizasaun internasionais no nasionais organiza ona eventu ida ne’e, hodi selebra loron mundial ba Ridusaun de riskus dezastres naturais iha tinan 2017. Tema ba selebrasaun ne’e maka Uma seguru, signifika katak ita kuandu hakarak bainhira ita hakarak halo uma karik uma ne’e tenke metin, ohin loron iha Timor Leste maluk sira ne’ebé iha osan nunka liu husi aprovasaun Ministeriu Obras Públikas hodi halo andar, aban bainrua rai kuandu nakdoko ema hira maka sei mate, ida ne’e hanesan alerta ida uma seguru. Ita hotu hatene katak hanesan Nasaun, iha mós obrigasaun atu selebra loron mundial ida ne’e, nudar eventu internasionál selebrasaun Tinan ida ne’e nia albu maka foka oinsa ita halo prevensaun, protesaun no redus ka hamenus numeru husi ema sira ne’ebé afetadu husi dezastres. Dezastres ne’e mós laos deit mai husi natureza iha mós dezastres balun tanba ita ema nia hahalok hanesan sunu rai, tesi ai arbiru Timor leste hanesan mós pais sira seluk sei lase’es husi alterasõens klimatikas hodi provoka dezastres naturais ne’ebé akontese iha tinan tinan iha mundu tomak hanesan udan bo’ot, inundasaun, rai monu, rai halai, anin bo’ot ahi han rai ne’ebé halo ema mate. Alende ne’e mos Xefe Suku lausi Sra. Adelaida de Carvalho mos haktuir tan iha entervista, komunidade sira apresia tebes tanba sira halerik hela ba be dalan, liu husi programa dezastres nian, servisu hamutuk ho Banku Mundial, MSS, hodi realiza programa ne’e dereita ba komunidade, tanba ne’e komunidade sira mós agradese, ba fatin sira ne’ebé sira hari ba komunidade, iha dezastres ruma sira bele hetan netik fatin ruma ba sira. Husu nafatin ba nai ulun sira tanba dezastres la’os buat kiik maibé buat bo’ot presiza ita hotu nia tau matan ba ita nia povu, hanoin ba oin aumenta tan sede evakuasaun ba suku hotu haktuir Xefe Suku.

Comments are closed.