Segunda- feira, loron 4 fulan Marsu tinan 2019, Sekretariu Estadu Protesaun Sivil, Dr. Alexandrinho Xavier Araújo, prezide serimonia Isar Bandeira Nasional primeira semana fulan ida ne’e nian hamutuk ho funsionarius, asesores no estudantes estajiarius iha resintu Ministeriu Interior, Vila-Verde Díli. Sekretariu Estadu Protesaun Sivil, iha um minutu de silensiu husu ba funsionariu hotu hakruk ba heroi sira nebe aten brani fó vida tomak mai ita ho rai ida ne’e, kontinua ba mehi sira ne’ebe sira mehi, kordenasaun no komunikasaun sai hanesan papel importante iha ida-idak nia funsaun no serbisu fatin, save importante tenki pasiensia hodi rezolve serbisu kolektiva. Iha biban ne’e, membru VIII Governu ne’e husu ba funsionariu sira mantein nafatin disiplina no koperasaun, hamutuk ho ekipa hodi bele dezenvolve servisu hotu iha Ministeriu Interior. Alen ne’e, Sekretariu Estadu mos husu ba funsionariu hotu-hotu servisu ho “responsabilidade no kria komunikasaun ne’ebe diak entre funsionarius ho xefia sira, presija fó konfiansa ba malu hodi hatutan komprimisiu hosi heroi sira nia mehi ba oan no bei oan sira hamutuk dezenvolve Ministeriu Interior no nasaun ne’e ba oin tuir OGE 2019. # Fatinha#
