enpt-pttt
September 20, 2021 7:54 AM

GUVERNU PERMITE FALI REALIZASAUN EVENTU RELIJIOZU, SOSIÁL, KULTURÁL NO DESPORTU SIRA

image_pdfimage_print
2DILI, 09 setembru 2020 (SRP) – Kinta feira ne’e, Vise-Ministru Interior, Antonio Armindo, partisipa reuniaun Konsellu Ministru ne’ebé prejidi husi Vise Primeira-Ministra (VPM) atual Ministra Solidariedade Sosiál no Inkluzaun (MSSI), Armanda Berta dos Santos, ne’ebé hala’o iha sala reuniaun Konsellu Ministru Palásiu Governu. Liuhusi Komunikadu Imprensa, iha sorumutuk ne’e Konsellu Ministru aprova aprova ona alterasaun dahuluk ba Dekretu Governu n. 21/2021, loron 27 fulan-agostu, kona-ba medida sira ba ezekusaun deklarasaun estadu emerjénsia, ne’ebé efetua husi Dekretu Prezidente Repúblika n. 69/2021, loron 24 fulan-agostu. Estadu emerjénsia ne’e abranje territóriu tomak no vigora to’o tuku 23:59, loron 29 fulan-setembru tinan 2021. Ho alterasaun ida-ne’e permite fali realizasaun eventu relijiozu, sosiál, kulturál no desportu sira, maibé tenke kumpre medida sira prevensaun no kontrolu COVID-19 nian, liuliu:
• Mantein distánsia, pelumenus, metru ida ho ema seluk no sira ne’ebé la hela hamutuk iha uma ida;
• Uza máskara ne’ebé taka inus ho ibun;
• Fase liman beibeik no bainhira hakarak tama iha instalasaun husi utilizasaun koletiva; no
• La promove formasaun halibur malu barak (konsidera nu’udár ema halibur-malu mak ema liuhusi na’in rua halibur malu menus husi metru rua entre sira).
Realizasaun funerál tenke adota medida hirak ne’ebé prevene transmisaun virus SARS- CoV-2 nian, maibé oras ne’e sei permite prezensa iha serimónia fúnebre sira husi ema na’in sanulu ba leten, maibé tenke kumpre protokolu saúde nian no kumpre medida sira prevensaun no kontrolu COVID-19 nian. Organizadór sira husi eventu sira ne’e tenke informa forsa seguransaa sira kona-ba ninia realizasaun. Fiskalizasaun husi kumprimentu regra husi diploma ida-ne’e nian kompete ba forsa seguransa sira. #

Leave a Comment

12 − eight =