Kinta-Feira, Loron 14 fulan Marsu tinan 2019, Inspetora Gabinete Inspesaun no Auditoria, Sra. Candida do Rosaria da Costa Soares, akompaña hosi xefi departamentu nain rua ho staf sira partisipa enkontru Trimestral Inspetores no Auditores Funsaun Públika ho tema “ Importansia Padraun Prosedimentu Operasional ba Sustentabilidade Servisu Inspesaun no Auditoria”, iha Salaun enkontru Aikurus, Binani, Matadouru Díli. Objetivu husi enkontru ne’e atu asegura reprezentasaun importante no kontribuisaun husi parseiru sira iha prosesu dezenvolvimentu servisu inspesaun ninian. Aliña atividade hotu servisu inspesaun no auditoria, prioridade governu no ministeriu sira. Identifika nesesidade dezenvolvimentu kompetensia ne’ebe presija ba auditores no inspetores iha funsaun públika. Promove no hametin kordenasaun entre auditores no inspetores iha instituisaun no ajensia govenu nian. Partilla informasaun relativamente ho servisu inspesaun no auditoria e asuntu transversal sira seluk. Iha breves palavras, komisáriu Disiplinar, Dr. Antonio Freitas, mensiona katak enkontru ida ohin hanesan enkontru ba daruak, hodi hato’o programa no progressu ne’ebe inspetores no auditores halao durante fulan tolu nia laran. Alein ne’e oinsa instrutores ajusta papel imprtante ne’ebe lao tuir ministeriu sira. Oinsa lider ministerial sira kordena servisu no ninia funsionamentu ho ministeriu e mos halao fiskalizasaun ba viaturas estadu nian iha ministeriu ida-idak. Iha Segunda breves palaras, Inspetór Jerál Estadu, Dr. Francisco de Carvalho, husu ba inspetores no auditores presija halo kontrolu interna ba instituisaun ida-idak atu nune’e bele minimiza no prevene saida mak lamerese atu akontese. Papel no Funsaun auditores buka meus kordena ho estrutura tomak iha ministeriu sira ne’ebe hamahan a’an ba. Funsaun Xavi husi servisu Auditória afirma ona iha Planu Estatejiku Dezenvolvimentu Nasional 2011 2030 “Transparénsia no auditória/
