Dili-funsionáriu hosi Diresaun tutela iha Ministériu Interior (MI) no Sekretária Estadu Protesaun Sivil (SEPS) kontinua tuir formasaun kona-ba “Planeamentu no Orsamentu Programátiku” ne’ebé organiza hosi UN WOMEN no Diresaun Nasional Prevensaun Konflitu Komunitária (DNPKK) durante loron tolu hahú hosi 12 to’o 14 Juñu 2019 iha salaun Konferénsia UN, Caicoli. Objetivu hosi formasaun atu hasa’e koñesimentu funsionáriu MI hodi bele elebora planu asaun anuál no planu orsamentu programátiku ba tinan 2020 tuir padraun Unidade Planeamentu Monitorisaun (UPMA), no familiariza konseitu báziku kona-ba jestaun bazeia ba jéneru. Entretantu, formasaun ne’e hanesan formasaun kontinuasaun ne’ebé hala’o dahuluk iha loron 15 to’o 16 Maiu 2019, ne’ebé fasilita ekipa hosi UN WOMEN no ekipa Unidade Planeamentu Monitorizasaun no Avaliasaun (UPMA) Gabinete Primeiru Ministru no DNPKK-MI. *CM*