Prezidente Komisaun Funsaun Públika, Eng. Libório Pereira, akompaña hosi Diretora Geral Servisus Koorporativos Sra. Guilhermina F.S. Ribeiro no Diretor Geral Servisu Operasionais Sr. Domingos Pinto fó pose ba emposados no emposadas sira, hamutuk ema na’in walu nulu resin lima (85). No nain walu nulu resin ida mai husi (Diresaun Nasional Seguransa Patrimoniu Publiku) DNSPP no nain haat mai husi DNPKK (Direasaun Nasional Prevensaun Konflitu Komunitaria). Seremonia termu de aseitasaun ne’e hala’o iha loron Tersa-Feira, 14 Abril 2015, iha sala enkontru Ministerio do Interior, Vila-Verde Dili.
Prezidenti Komisaun Funsaun Publika (KFP), Eng. Libório Pereira, iha ninia lia menon hateten katak, “Ohin dala ida tan hanesan historiku ba ita nia Ministeriu Interior marka tan momentu ida ne’ebé importante iha kareira nu’udar funsionariu públiku, no ohin mós ita halo tan notifikasaun ba funsionariu nain walu nulu resin lima, ne’ebé haat husi DNPKK nian no walu nulu resin ida husi DNSPP, wainhira ita koalia termus de aseitasaun, ita koalia termu de posse no bainhira ita koalia termu de posse ita koalia kona-ba multidaun ka promesa sidadaun ida nian atu dedika an tomak iha servisu istituisaun públika nian, tan ne’e mak Ministeriu Interior ohin sura tan ema hamutuk nain walu nulu resin lima ne’ebé namakari iha munisipiu haat nia laran hodi reforsa tan misaun ka papel Ministeriu Interior ninia liliu iha area seguransa sivil nia no mós rezolusaun konflitu, ita nia promesa ita promete atu servisu ho responsabilidade tomak no ita promete atu servisu ba deit estadu nia interse la akapta ho intrese kiik oan, grupu ou partidariu no ita mós tenki kumpri ita nia orariu no traballu, tan ne’e ita tenki tau iha konsiderasaun, dever sidadaun mai iha fatin servisu la falta no mai servisu ho oras ou pontualidade, ita mós promete atu kumpri dever ida naran, dever honestidade ne’e valor funsaun públika nian koalia sasan mesak los deit liliu ita atu halo relatoriu ida labele relatoriu fabrikadu ou relatoriu ne’ebé ita inventa deit, maibe relatoriu legalidade, evidensia atu nune’e ita bele responsabiliza ne’e mak foin ita dehan honestidade. Iha dever ida tan dever legalidade funsionariu labele hanesan fali sidadaun bain-bain hodi eziji fali governu ou estadu. Funsionariu hanesan liman ain governu nian implementa programa governu ninian, funsionaiu tenki prontu atu fó solusaun ba kualker problema iha nia servisu fatin iha komunidade. Nu’udar funsionariu ne’ebé mak simu tomada de posse atu respeita konstituisaun. Ohin imi hananu Hino nasional ho kapas teb-tebes ho respeitu los, iha ema funsionariu barak seidauk iha toman diak ida ne’e, horseik wainhira hau koalia ba kondevosaun hau hahu kedas ho komportametu etiku ida ne’e liliu respeita ba nasaun, tanba balun hananu Hino nasional liman ba kotuk hanesan pozisaun deskansa hela ou liman iha oin hanesan reza fali, ou liman iha bolsu hateke tun sa’e ne’e hatudu falta respeitu, no hau husu iha kursu atu nune’e forma ema nia atitude muda ona ema nia atitude ne’e, tan ne’e mak ita tenki jura atu respeita ita nia konstituisaun, respeita lei, respeita simbolus nasionais, respeita ita nia superiores sira, respeita ita nia lider sira, respeita ita nia heroi sira, no ita mos promete atu sai hanesan defensor estadu nia iha kualker situasaun ne’ebé deit ita bele, ita mos tenki sai hanesan funsionariu ne’ebé mak iha prinsipiu imparsialidade, atu nune’e ita nia servisu labele halis ba sorin sorin, sai funsionariu tenki isin moris, hanesan ita nia Eis Primeiru Ministru maun bo’ot Kay Rala Xanana Gusmão iha eventu hasoru malu nasional dala hira ona nia sempre bolu atensaun iha funsaun públika keta selok malu labarik sira kuandu hakarak bolu atensaun inan aman ne’e nia maun la baku mós dehan baku, nepara depois inan aman dehan nusa mak o baku hau nia oan, iha funsaun públiku ida ne’e ita presiza atensaun dala ruma ita buka atu manan simpatia diretor nia, ita dehan ida ne’e ita nia kolega ne’e halo keisa ida ne’ebé mak mafe mós kuandu prosesu komprova fali kontratiu ita bele soke fali konsekuensia no loron ida ohin ne’e hau nia mensagen prinsipal maka, ita nia dever atu hadia nafatin servisu ho responsabilidade estadu nu’udar patraun tau nafatin matan ba kondisões servisu, tanba ne’e maka ita agora iha ne’e balun hetan promosaun balu foin tama buat sira ne’e hotu estadu nia dever atu dezenvolve hadia kondisoes servisu hadia imi nia kareira nudar funsionariu públiku presiza hala’o servisu ne’ebé maka ho responsabilidade no hala’o servisu ne’ebé mak mai husi ita nia superior.” Hatete Libório Pereira
Iha okajiaun ne’e mos, Diretora Geral Servisus Koorporativos Sra. Guilhermina F.S Ribeiro la haluha hato’o agradese ba Prezidente Funsaun Públika, diretores sira, xefi departamentu, tanba iha loron ohin bele haraik nafatin tempu hodi mai hamutuk atu asina sira nia termu de aseitasaun, “Hau nia respeitu mós ba kolega diretores sira, diretores nasionais, sefe departamentu no ba emposados tomak, liafuan ne’ebé mak Prezidente KFP koalia la ses husi ita bo’ot sira nia kna’ar lor-loron nia, no ezizensia ne’ebé mak ita bo’ot sira ezize mak ohin ita bo’ot sira tur ona iha ne’e atu asina ita bo’ot sira nia termu de aseitasaun, hau hanesan Diretora Geral ne’ebé maka reponsabiliza ba area koorporativos hare ita bo’ot sira nia oin hau bele konehese, barak maka hahu kedas iha 2002 ho level ida (1) hanesan temporariu no oras ne’e ita bo’ot sira mai iha ne’e hodi nune’e bele hetan ita bo’ot sira nia level tolu (3), no level ida ne’e laos dehan fó deit maibe tanba ita bo’ot sira rasik mak kompete hamutuk ho ita bo’ot sira nia kolega seluk buat ne’ebé mak ami bele hadia neneik ami hadia tuir mós ita nia governu ninia forsa katak, wainhira atu hadia buat hothotu presiza osan entaun presiza hare ita bo’ot sira ne’ebé maka señor fó mós oportunidade ba ita bo’ot sira tanba ida ne’e maka ita bo’ot sira nia oin la’os foun, tanba barak mai husi 2002 no barak liu mós mai kedas husi UNTAET nia tempu no hau hare barak koñese, iha oportunidade ida ne’e mós atu hateten ba ita bo’ot sira katak, ita nia estrutura foho ne’ebé maka altura ona iha 22 Dezembru ita nia zona diresaun jeral rua la’os diresaun jeral mesak deit hanesan baibain tanba ne’e mak ita bo’ot sira hare iha ita nia oin, iha mós Eis Diretor protesaun sivil ne’ebé mak uluk iha tempu pasadu hamutuk ho ita bo’ot sira ba rekruta ita bo’ot sira iha Sub-Distritu, ita bo’ot sira hatene oras ne’e sai hanesan Diretor Geral ba servisus operasionais responsabilidade Sr. Domingos Pinto ninia maka hare kna’ar operasional ba iha DNSPP ba iha DNPC nune’e mós ba iha DNPKK tanba ne’e maka Sr. Diretor Geral mós marka prezensa atu bele sai mós sasin ba ita bo’ot sira nia tomanda de posse, buat ne’ebé mak Sr. Prezidente koalia hanesan hau hatete tiha ona katak, ne’e ita nia responsabilidade liliu ba disiplina, pontualidade, asiduidade.
Buat ne’ebé mak Prezidente KFP koalia ne’e la ses husi liafuan juramentu ne’ebé mak ita bo’ot sira halo tau ita bo’ot sira nia interese ne’e as tau mós nasaun nia interese ne’e iha laran, ne’ebé kuandu simu ema iha servisu fatin ne’e simu ho diak, hare hare servisu sira ne’e halo ho didiak, hases hases a’an husi grupu sira ne’ebé maka governu la tau misaun, tanba iha membrus balu seguransa sivil ga seguransa DNSPP ninia maka sei ka’er nafatin fundus sira seluk, organizasaun sira ne’ebé mak governu dehan taka ona maibe sei iha grupu ou iha ema ida ga ema rua maka sei inklui nafatin, balu deklara duni dehan hau hanesan ne’e, husi oin hau sei la tabele tan grupu ida ne’e, hein tan katak sira seluk ne’ebé maka hakarak tuir Marsiais favor enrtega Id, entraga farda hodi nune’e hala’o imi nia servisu marsiais. Iku Pires
