enpt-pttt
September 20, 2021 7:58 AM

F-FDTL NO PNTL KAPTURA MEMBRU PSHT HAMUTUK ATUS IDA RESIN IHA ÁREA MANLEU

image_pdfimage_print
2Dili, 08 setembru 2021 (SRP) – Ekipa servisu sekreta forsa rua hosi Servisu Informasaun Militár (SIM) hosi F-FDTL (Falintil-Forsa Defeza Timor-Leste hamutuk ho SIP (Servisu Informasaun Polísia) hosi nasionál no Dili horikalan konsege identifika konsentrasaun masa Grupu Arte Marsiál (GAM) hosi PSHT (Persaudaraan Setia Hati Terate) ne’ebé halo seremonia rituál iha Aldeia Mundu Perdido, Suku Manleuana, Postu Administrativu Dom Aleixo Munisípiu Dili. Hafoin simu informasaun hosi Delta Base, ekipa konjunta PNTL (Polísia Nasionál Timor-Leste) ne’ebé envolve BOP (Batallaun ordem Publika), esqudra PNTL Dom Aleixo, Forsa Rezerva, SIP, J2 no F-FDTL (Falintil-Forsa Defeza Timor-Leste servisu koletivu asegura kedas membru PSHT hamutuk ema na’in atus ida resin no hetan mós evidénsia hanesan atributu arte marsiais husi PSHT nian, motorizada 92 no karreta 3. Informasaun ne’ebé SRP asesu iha terenu, Membru GAM hirak ne’e halibur malu iha JS nia uma iha área Manleu, Aldeia Mundu Perdido ho objetivu atu halo agradesementu ba membru PSHT foun sira ne’ebé maka foin lalais ne’e halo graduasaun no sae sabuk iha Indonézia. Ekipa konjunta kaptura membru GAM hirak ne’e iha oras tuku 2 dadeer no daudaun entrega ona ba Komandu PNTL Munisípiu Dili hodi halo investigasaun. #AX

Leave a Comment

twenty + 2 =