Quarta,15 Abril 2015 Ekipa Media Ministério do Interior kontinua halao distribuisaun Bulletin Edisaun 7 no Kalendario Ano 2015, ne’ebe mak introdus kona-ba aktividades servisus Ministério do Interior no ninia Diresoens tomak inklui mos aktividades balun mak halao ona hosi Instituisaun PNTL.
Distribuisaun refere kontinua halao hosi Ekipa Media Ministério do Interior ba iha Munisipiu Lautem ho ninia Postu Administrativos tomak mak hanesan: Tutuala, Lospalos, Lore, Iliomar.
Aktividades no programa distribuisaun Bulletin no Kalendario refere, nu’udar meius ida hosi Ekipa Media Ministério do Interior hodi divulga informasoens aktividades tomak Ministério do Interior ho ninia Diresoens tomak, inklui mos informasaun aktividades balun hosi PNTL nian, atu bele asesu to’o iha base.
Albu ba programa distribuisaun Bulletin no Kalendario aktividades Ministério do Interior ne’e mak: DNSSP, DNPC, CORPO BOMBEIROS, PNTL, ADMINISTRASAUN MUNISIPIUS NO POSTU ADMINISTRATIVOS sira. Hodi nune’e entidades hirak ne’e bele kontinua akompanha no aktualiza nafatin informasoens no mos aktividades tomak mak Ministério do Interior RDTL halao hodi asegura estabilidade no hametin dezenvolvimento ba nasaun doben RDTL, atu Povo Timor-Leste bele moris iha ambiente paz no hakmatek nia laran hodi kontribui ba dezenvolvimento nasaun doben RDTL.
