Sabadu 02 Maiu 2015, Ekipa Media Ministério do Interior kontinua distribui Bulletin edisaun 7 no Kalendario Informativo Ano 2015, iha Munisipiu Liquica ho ninia Postu Administrativos tomak, inklui mos ADMINISTRASAUN MUNISIPIUS.
Objetivu husi distribuisaun refere, nu’udar meus ida hodi habelar informasoens no atividades husi Ministério do Interior ho ninia Diresoens tomak, inklui mos aktividades balun mak halao iha Instituisaun PNTL.
Durante halao servisu ne’e Administrador Distritu balu husu ba Ministeriu Interior liu husi DNPKK atu fo formasaun nomos organiza seminariu Distrital ne’ebé koalia kona ba problema rai laran hanesan, violensia domestika, disputa rai no problema juventude nian iha.
Komandante Squadra balu mos informa katak, to’o ohin loron kazu violensia domestika maka sai segundu (II) ás iha ne’e, hafoin kazu ofensa integridade fiziku ne’ebé maka sai kazu primeiru ne’ebé as iha ne’e.
“Iha nivel nasional kazu ne’ebé as liu maka offensa ba integridade fizika i tuir mai maka krime violensia domestika no seluk tan mas as liu maka offense ba integridade fiziku.” AX
