Dili- Ekipa Diresaun Nasional Prevensaun Konflitu Komunitária (DNPKK) hamutuk ho ekipa UN WOMEN no Xefe Gabinete Jéneru PNTL iha segunda feira ne’e (13/05/19) reuniaun ho Komandante Jerál PNTL, Komisáriu Polisia, Sr. Faustino da Costa. Reuniaun ne’e hala’o iha Gabinete Komando Jeral PNTL, Caicoli, ho objetivu ko’alia kona-ba koperasaun serbisu hamutuk nomós apoiu parseiru UN WOMEN no DNPKK nian ba Instituisaun PNTL. Envolve iha enkontru kompostu hosi Diretora DNPKK, Sra. Lidia Lopes de Carvalho, National Program Officer UN WOMEN, Sra. Vicente Correia, Head of Office, Sra. Sunita Caminha, Konsultora UN WOMEN apoiu serbisu DNPKK Sra. Adelia Guterres, Konsultora UN WOMEN Apoiu serbisu Gabinete Jéneru PNTL, Sra. Francelina Guterres no Xefe Gabinete Jéneru PNTL, Sra. Dária Ximenes. *CM*
