Quinta-Feira 16-04-2015, Ministériu Interior, liu hosi Diresaun Geral Servisus Operasionais e Diresaun Nasional Prevensaun Konflitu Komunitaria realiza enkontru ba daruak (2), hamutuk ho Rede Nasional ba Prevensaun Konflitu iha Sala Migrasaun Villa-Verde Dili.
Objectivu enkontru ida ne’e mak atu hare ba orientasaun hosi S.E Ministru Interior DR. Longuinhos Monteiro nian, para tau ideias hamutuk ho Rede Nasional Prevensaun Konflitu (RNPK), nia atensaun no buka meiuz oin-sa hodi halo prevensaun ba konflitu molok konflitu ne’e rasik mosu no halai ba hahalok destruktivu iha fatin hotu-hotu iha teri-torio Timor laran tomak.
Iha Reuniaun ida ne’e rasik abertura hosi Diretur Geral Servisus Operasionais Sr. Domingos Pinto iha nia okaziaun hateten katak hanesan Diretur Geral Servisu Operasionais nebe’e mak sai mahon ba Diresaun Nasional Prevensaun Konflitu Komunitaria ka (DNPKK), Dirasaun Nasional Seguransa Patrimonio Publiku (DNSPP), no Dirasaun Nasional Protesaun Sivil ka (DNPC).
Alende aprezentasaun ba Rede Nasional Prevensaun Konflitu(RNPK), Diretur Geral Servisus Operasionais Sr. Domingos Pinto mos kontinua fo apresiasaun bo’ot ba Rede Nasional ida ne’e atu bele halo diskusaun ida ke diak nebe’e mak sei lidera hosi Xefi Departamentu Sr. Antonio Viegas, para nune’e bele hamosu konkluzaun final ida ho rigorozu hodi bele relata ba S.E Ministru Interior atu bele iha aseitasaun hosi Diskusaun refere.
iha fatin hanesan Xefi Departamentu Sr. Antonio Viegas mos esplika objectivu jeral ba enkontru ida ne’e mak enkontru ba daruak ona, no hanoin hirak ne’e sei desidi hamutuk ho planu de identifikasaun prioridades no menbru rede sira nia rekomendasaun nebe’e mak liu hosi pesquija ka liu hosi meuz saida deit mak sei trasa hotu hosi diskusaun ida ne’e sei hato’o ba S.E Ministru Interior atu hare planu de prioridades nebe’e mak hamosu hosi menbru rede nasional prevensaun konflitu rasik.
