Dili – Kinta Feira 25 Abril 2019, Ministeiriu Interior liu husi Diresaun Nasional Prevensaun Konflitu Komunitaria (DNPKK), Partisipa Konferensia daharuak ba Asean Regional Forum (ARF) ho Meza Diplomátiku Kabuar, ne’ebé hala’o iha Salaun Novu Turismu. Relasiona ho konferensia internasional Asean Regional Forum (ARF). ho tema jeral “Workshop On Preventive Diplomacy And Early Warning: Linkages For Conflict Resolution” ne’ebe hala’o tiha ona horseik, nomos hanesan loron dahuluk ba konferensia nivel altu refere. Nune’e, ohin hanesan loron kontinuasaun hodi deskuite klean liu tan entre estadu membru sira nia esperiensia, kapasidade no matenek ne’ebe sira iha hodi fahe ba malu, nu’udar meus no maneira ne’ebe diak liu. hodi bele halo resolusaun konflitu no prevensaun konflitu, evita konflitu sira iha nasaun idak idak ninian. Entertantu parte Timor – Leste, liu husi Ministeiriu Interior ba Diresaun Prevensaun Konflitu Komunitaria (DNPKK) mos partisipa konferensia ne’e rasik hodi partilla esperiensia hari dame, dialogu no mediasaun, ne’ebe durante Diresaun refere hala’o iha komunidade. Eventu ne’e rasik kontinua lidera ka organiza husi Ministeriu Negosiu Estranjeru no Kooperasaun. #Ekipa Mídia – MI#
