Vila-Verde, iha loron Quarta-Feira 22 Abril 2015, Diretora Nasional Diresaun Nasional Prevensaun Konflitu Komunitaria (DNPKK) Sra. Lidia Lopes Carvalho, halo enkontru ho ekipa grupu trabalhu hodi halibur informasaun kona ba pilares 4 Rezolusaun Konsellu Seguransa Nasoens Unidas 1325 (RKS UN1325) konaba PARTISIPASAUN, PREVENSAUN, PROTESAUN NO HARI PAZ, husi Grupo Tarjetu, atu kompleta dadus ba prosesu hakerek Esbosu PAN 1325 ba Nasaun Timor Leste. Enkontru ne’e hala’o iha Salaun enkontru Ministeriu do Interior Vila-Verde, Dili Timor-Leste.
Iha enkontru ne’e, Diretora Nasional Diresaun Nasional Prevensaun Konflitu Komunitaria (DNPKK) Sra. Lidia Lopes Carvalho hatete, “Enkontru DNPKK primeiru atu koalia kona-ba update informasaun kona-ba progresu servisu ekipa hakerek exbosu ba, update informasaun kona-ba prosesu enkontru grupu trabalhu ho rekrutamentu, ne’ebé mak ajusta ona iha dadus ba konkursu funsaun públiku ne’ebé maka hala’o tena iha tinan kotuk, no segundu kona-ba preparasaun planu ba enkontru ho Sra. Genadia tanba tuir informasaun ne’ebé hetan iha fulan maiu ne’e Sra mai maibe la’os ita maka konvida sira husi SEM maka konvida, tanba ne’e maka ita nia enkontru loron ohin nia ne’e atu koalia asuntu hirak ne’e.
Xefi ba hakerek Esbosu PAN 1325 Dr. Anacleto Ribeiro hatete, “Tuir lolos servisu sira ne’e hahu tiha ona iha tinan foun ne’e, bazeia ba planu ne’ebé maka iha, maibe tanba iha impaktu husi remodelasaun maka servisu sira ne’e labele atu realiza. Tanba ne’e maka agora ita mai hamutuk iha ne’e atu koalia kona-ba programa husi fulan tolu nia laran ne’ebé maka hahu husi Janeiru to iha Fervereiru labele atu raliza, no agora maka ita mai hamutuk iha ne’e hodi koalia konaba servisu ne’ebé maka atu hahu iha fulan Abril nia laran. Iku Pires
