Liquica-Ministerio do Interior liu husi Dirasaun Nasional Prevensaun Konflitu Komunitaria (DNPKK), iha loron Sesta ne’e, 24 Abril 2015, kontinua hala’o Konsultasaun Publiku Rezolusaun Konsellu Seguransa (RKS) PAN 1325 Feto Paz no Seguransa, ba komunidade sira iha Munisipiu Liquica.
Objetivu husi konsultasaun ida ne’e maka oinsa atu fo introdusaun ba grupu benefisiarius sira kona ba ajenda Feto, Pás no Seguransa no ninia aplikasaun iha kontestu Nasional no Lokal, konaba knar importante feto nian iha prevensaun no rezolusaun kona ba konflitu no hari dame, halo promosaun ba seguransa no estabilidade ikus liu maka atu aumenta sira nia kapasidade konaba prevensaun no rezolusaun konflitu.
Sorumutu ne’e mos bele fahe hanoin liu hosi diskusaun no aprende esperiensias ba involvimentu direita komunidade sira, hodi halo konsultasaun, inklui mos regras, responsabilidades, no obstaklus ne’ebe mak infrenta, hodi hetan informasaun, ideas, rekomendasoens no sujestaun.
Ho konsultasaun Publiku Rezolusaun Konsellu Seguransa (RKS) PAN 1325 Feto Paz no Seguransa, ne’e, komunidade sira bele sente sira mós sai na’in rasik hodi hamutuk antisipa konflitu hirak ne’ebe sei mosu mai. Ho ida ne’e sira nia hamutuk ne’e bele sente iha responsabilidade no orgullu ho sira nia involvimentu hodi halo prevensaun. AX
