Dili-Segunda-Feira, Loron 3 fulan Dezembru tinan 2018, Diretora Jeral Servisu Korporativus (DJSK) Sra. Guilhermina F.S.Ribeiro hamutuk ho Diretor Nasional Administrasaun no Finansas, Sr. Abel Abreu da Costa Belo, hala’o enkontru ho diretores nasionais, xefe departamentus, pontu fokais finansas nian hodi fahe informasaun formal konaba salariu no vensimentu ne’ebe maka durante ne’e simu hosi funsionariu públiku sira iha diresoens neebe maka tutelas iha Ministeriu Interior ninian, enkontru refere hala’o iha salaun enkontru Ministeriu Interior Vila-Verde. Objetivu hosi enkontru ne’e hakarak fahe no fó solusaun konaba salariu no vensimentu ne’ebe fulan-fulan simu la tuir idak-idak ninia diresaun. Iha okaziaun ne’e Diretora Jeral servisus Koorporativus, husu ba Diretores no Pontu Fokais sira atu kontrola sistema no baze de dados salarial nian atu nune’e labele implika faillansu to’o Diresoens balun ninia salariu hetan min e bele mos fulan dezembru sira labele simu salariu. Iha fatin hanesan, Diretor Nasional Administrasaun no Finansas hateten katak, konvoka enkontru ne’e atu buka solusaun imediatu ba faillansu ne’ebe mak agora dadaun Ministeriu ne’e infrenta liu-liu hare ba sistema normal ne’ebe kada fulan 12 tuir planu Diresoens tutelas sira planeia.#Alan
