Segunda feira 20-04-2015, Direitora Geral Servisus Korporativus Sra Guilhermina F.S. Ribeiro halao abertura formasaun ba treinador sira (TOT) nebe’e mak fo hosi profesional Sekretaria Estado ba Apoiu no promosaun sosiu-Ekonomika ba Feto (SEAPSEF). ba funsionarius Ministeriu Interior iha salaun foun Ministeriu Interior Villa-Verde Dili.
Objeitivu formasaun ne’e atu eleva tan kuinesimentu funsionarius MI nian oinsa atu sai formador ne’ebe diak, ba implementasaun Planu Asaun Nasional Violensia Bazeia ba Jeneiru (PAN-VBJ) nebe’e mak sei halao durante loron lima nia laran (5).
iha okaziaun ne’e Direitora Geral Servisus Korporativus Sra. Guilhermina F.S.Ribeiro haktuir katak, pesoal ne’ebe mak tuir formasaun refere kuaze mai hosi funsionarius MI, no PNTL, hamutuk ema nain nen ( 6), nain hat (4), hosi Ministeriu Interior no nain rua seluk (2), hosi PNTL, formasaun ida ne’e sei fo hosi pesoal Sekretaria Estado ba Apoiu no promosaun sosiu-Ekonomika ba Feto (SEAPSEF).
Iha oportunidade ida ne’e mos, Direitora Geral Servisus Korporativus Sra Guilhermina F.S. Ribeiro mensiona katak; formasaun ba formador (TOT), ne’e halao atu implementa ita nia Planu Asaun Nasional Violensia Bazeia ba Jeneru PAN-VBJ, mezmu tinan kotuk ne’e, ita implementa ona, maibe ita seidauk prepara ita nia ema ho didiak”,hatete DG-SK,
iha abertura refere DG-SK husu ba formador sira ne’ebe tuir formasaun atu aproveita ho didiak tempu ne’ebe iha, atu nune’e bele sai formador ne’ebe diak. oser
