Ministeriu Interior liu hosi Diresaun Jeral Servisu Migrasaun ne’ebe mak ohin hetan vizita hosi Diretora Migrasaun Australia Dr. Siaan Ansori ho nia ekipa ne’ebe mak halao vizita ba postu Migrasaun Aeroportu Presidenti Nicolau Lobato Dili, iha loron 28-04-2015. Objetivu vizita ida ne’e atu hare ba dukumentus hirak ne’ebe mak durante ne’e sempre utiliza hosi Diresaun Jeral Servisu Migrasaun ne’ebe mak sempre kontrola sidadaun estranjeiru sira tama sai iha Timor-Leste.
Iha vizita ne’e simu hosi Sarjentu Xefe Moises Barros nudar komandante do postu Migrasaun Aeroportu Internasional Presidenti Nicolau Lobato Dili. Iha oportunidade ida ne’e Sarjentu Xefe Moises Barros hatete katak, iha vizita ohin ne’e hare liu ba sistema ne’ebe mak uza BMS iha aeroportu, no ami hato’o ba sira katak, sistema ne’e kleur ona, no tinan lima ona (5), ne’ebe oin-sa sira bele ajuda atu hadia, ou atu sosa foun, I atu nune’e mos sira bele fo formasaun mai ami para atu detekta sistema dukumentus falsu ne’ebe maka uza hosi sidadaun estranjeiru sira uainhira sidadaun estrajeiru sira troka sira nia pasaporte tuan ba fali foun halo susar tebes mai ami atu detekta, no tama sai iha ita nia Teritorio Nasional Timor-Leste”. Tenik nia iha nia servisu fatin
Iha fatin hanesan Sarjentu Xefe Moises Barros mos realsa tan sistema ne’ebe mak uza iha ne’e, maioria automatis no balu mak sei iha manual hela, maibe ninia durasaun ne’e kleur liu tiaona no tinan lima ona, tuir lolos tina rua ka tolu ne’e tenki troka ou hadia maibe tinan lima ona (5), ne’ebe sira mai hare para sira bele ajuda Servisu Migrasaun para atu hadia sistema ne’e oin-sa, sei hadia ladiak karik bele sosa foun”. Hatete nia iha nia servisu fatin.
Iha sorin seluk Dr. Siaan Ansori mensiona tan katak sira nain rua (2), ne’ebe mak hamutuk ho hau mai iha ne’e mesak Peritus deit ba detekta dukumentus hirak ne’ebe mak servisu migrasaun nia servisu, no sira nain rua ne’e sei fo formasaun ba maluk sira ne’ebe mak servisu iha migrasaun, no hasae sira nia kuñesimentu ba iha kuiñesimentus klean ho rigorozu atu nune’e bele detekta dukumentus, ho diak“. hatete nia iha Aeropotu Dili.
Dr. Siaan Ansori ne’e mos kontinua salienta ba iha area koperasaun nian, tamba hare nasaun rai rua ne’ebe mak besik tebes, no presija ajuda malu iha area imigrasaun nian atu nune’e bele rai rua nia servisu bele lao diak liu tan ba iha kontrolu.
