Ohin dader, 10 Abril 2015, Ekipa Bombeiros ne’ebe lidera husi Komandante Corpos Bombeirso Dili, Sr. Mario Lobo da Cruz hamutuk ho ekipa, tesi ai ne’ebe monu taka tomak estrada klaran iha area Palacio do Governo nia sorin.
Diretor Geral Servisu Operasionais Sr. Domingos Pinto ne’ebe hola parte mos iha limpeza jeral ne’e haktuir katak, “Hau simu keixa husi parte seguransa nian konaba akontesementu ai tohar ne’e iha oras tuku 7h10. Husi parte seguransa mos informa katak, ai monu taka estrada tomak nune’e, halo engarafamentu iha area Parlamentu Nasional nia oin.
Uluk iha eskola Hati Kudus Becora Dili, iha loron Domingu (23/2), iha limpeza ne’ebe hala’o iha Estrada Becora, Eis Primeiru Ministru Xanana Gusmão orienta ekipa Bombeiros nian, atu tesi hotu ai horis sira ne’ebe identifikadu ona hamrik besik eletrisidade ring no estrada ibun. Alende tanba fo perigu ba ema moris nomos atu loke luan tan estrada. Maibe ida ne’e ami sei iha kolaborasaun husi parte Meiu Ambiente, nune’e sira maka identifika uluk ai horis sira ne’ebe idade no tuan ona, tanba, los duni bele fo perigu ba ema no viaturas sira ne’ebe iha estrada publiku.
Iha fatin hanesan Tuir ajente prinsipal Jose dos Santos husi unidade polisia tranzitu haktuir katak, ohin dader ami halo limpeza jeral iha ne’e, rona ai ne tohar no tarutu makaas, tan ne’e ami telefone ba Bombeiros husu para siramai tesi ai, tanba impaktu ba transporte publiku atu pasa iha area ida ne’e. ami mos provizoriamente taka dalan atu asesu mai iha ne’e, no ami sei loke wainhira ekipa bombeirso sira hamos hotu ona ai nebe monu taka estrada ne’e. informa ajente prinsipal ne’e.
Filomeno Jose Barros funsionariu Saneamentu hatete, ami nia servisu maka halo limpeza, ohin dader ami halo limpeza iha area ne’e, no ami hetan Bombeiros sira tesi ai ida ne’e, entaun ami mos aproveita kedas raut foer no ai tahan sira ba tau iha lixu fatin. AX
