Díli- Quinta-Feira 30-04-2015 Bombeiros Timor-Leste selebra Aniversário ba dala sanulu resin lima (xv), iha Diresaun Nasional Protesaun Sivil, Kaikoli Díli Timor-Leste.
Iha aniversariu ne’e, Ministru Interior hato’o nia Parabens ba Bombeiros Timor-Leste no iha okaziaun ida ne’e mós Ministru Interior DR. Longuinhos Monteiro hato iha nia diskursu katak, ohin ita mai hamutuk iha fatin ida ne’e mai la’os tan buat seluk, maibe atu mai sai sasin hodi selebra aniversáriu Bombeiros nian.
aniversáriu ne’e tuir lolos hala’o iha semana kotuk, dia 23 maibe iha kestoens téknika entaun ita hala’o fali iha loron ohin, servisu Protesaun Sivil servisu ida ne’ebé maka importante iha komplementu ne’ebé tutela iha Ministeriu Interior ninian, iha intervensaun balu husi Diretores Nasionais, Diretores Gerais hau admira no espiritu sakrifisiu ho komprimisiu ho dedikasaun ho Diretores Gerais servisus operasionais no servisus koorporativu sira ne’ebé maka uluk sai fundadores hodi hari ita nia Protesaun Sivil, ho ita nia Bombeiros, hau apresia tebes ho sira nia esforsu ne’e, se la’os ho sira nia esforsu ita la hamrik iha loron ohin ne’e, mezmu ita sei falta buat barak fiar katak ba oin ita sei bele hadia buat sira ne’ebé maka ita falta ne’e”. MI hato iha nia diskursu.
Ministeriu Interior iha ninia organizasaun foun ne’ebé iha tempu besik, sei lori ba Konsellu Ministru atu bele aprova no ita tenki iha mekanizmu foun ida iha koordenasaun servisu Protesaun Sivil ninia maka hanaran, Autoridade Nasional Protesaun Sivil, autoridade sira ne’e sei lidera direitamente husi Diretor Geral, no autoridade ida kualker kestaun emerzensia iha ambitu protesaun sivil ninia dezastre naturais kualker saida deit iha intervensaun ambitu ne’ebé hanesan, só autoridade ida ne’e maka koordena valensia estadu nian, iha ambitu protesaun sivil problema jestaun husi instituisoes sira seluk ne’ebé maka atu inkorpora iha ita ninia komponente tomak protesaun sivil ninia hanesan, Forsas Armadas, ho institusões sira seluk sei tama inkorpora iha autoridade nasional ida ne’e maka ita servsiu tenki hatene tuir ida-idak nia responsabilidade oinsa maka atu koordena, normalmente hanesan ho instituisaun governu sira seluk hanesan MSS ho Minteriu Saúde.
Durante seremonia aniversario ne’e, iha Diskursu Diretor Geral Servisus Operasionais Sr. Dominigos Pinto mos haktuir katak, uluk nanain hau nia respeitu no boas vindas ba ita bo’ot sira hotu ne’ebé dispensa ona ita bo’ot sira nia tempu hodi mai hamutuk ho ami iha fatin ida ne’e. Iha oportunidade ida ne’e ami mós hakarak hato’o tan lia fuan ruma kona-ba situasaun ho dezenvolvimentu Bombeiros iha TL ba S.E. Ministru Interior ne’ebé ba dala uluk hamutuk ho ita iha komemorasaun Aniversáriu Bombeirus TL nian ba dala sanulu resin lima (xv). Hau akompaña ituan kona-ba kna’ar Bombeiros nian tanba molok sai hanesan diretur geral servisu operasionais (DGSO), ne’ebé maka tutela direita ba iha DNPC ho Bombeiros ho diresões operasionais 2 seluk DNSPP no DNPCC, uluk hala’o kna’ar hanesan Diretor ba DNPC ho Bombeiros durante tinan 10 nia laran hahu iha Julhu 2005 to’o entrega ba Sr. Diretor foun iha Fevereiru 2015.
Exelensia ho distintos konvidados hotu, iha fatin ida ne’e ho okasiones hanesan maka hau hato’o bebeik ona hau nia preokupasaun hanesan Diretor DNPC nian iha tempu hirak liu ba kona-ba dezenvolvimentu ita nia servisu Bombeiros nian ne’ebé la akompaña ho dezenvolvimentu fiziku ne’ebé la’o lalais tebes iha ita nia rain, ita hatene katak, bainhira dezenvolvimentu fiziku lao makas iha ita nia rain, ita sei lori mós risku bo’ot ba ita nia a’an, no ita iha prekupasões ne’e hahu hatudu dadauk ona ho insendios ne’ebé ho eskala bo’ot hanesan iha armazen Globus Akadiruhun, foin lalais Sesta dader liu ba (24-04-15) iha Audian, no ba material hirak ne’ebe mak seidauk to ba iha kestões barak ne’ebe mak sei preukupa hela bele resolve tuir dalan ne’ebe mak ita hotu hakarak”. hatete Diretor Geral Servisus Operasionais. Iku Pires
